Author: qkkancc

---

[ENGLISH] On September 23rd, 2025, at 10:00 a.m., the Selection Committee of the film that will represent Albania in the «Academy of Motion Picture, Arts and Sciences» 2026 held its meeting in the premises of the National Center of Cinematography.

After the ANCC’s open call, the following applications were received:
i. the film production house ON FILM PRODUCTION, with the feature film «Luna Park», directed by Florenc Papas;
ii. the film production house A.R.PRODUCTION, with the feature film «Emili», directed by Ajola Daja.

The Committee voted unanimously in favor of the film «Luna Park», presented by the film production house ON FILM PRODUCTION, as the representative of Albania, in the category of «International Feature Film at the 98th edition of the OSCAR® Awards».

ANCC wishes all their best to director Florenc Papas and to the producer Dritan Huqi.

---

[SHQIP] Më datë 23.09.2025, ora 10:00, në ambjentet e Qendrës Kombëtare të Kinematografisë, u mblodh Komisioni Përzgjedhës i filmit që do të përfaqësojë Shqipërinë në «Academy of Motion Pictures, Arts and Sciences» 2026.

Pas thirrjes së hapur nga QKK, aplikuan:
i. shtëpia kinematografike ON FILM PRODUCTION, me filmin artistik me metrazh të gjatë «Luna Park», regjia Florenc Papas;
ii. shtëpia kinematografike A.R.PRODUCTION, me filmin artistik me metrazh të gjatë «Emili», regjia Ajola Daja.

Komisioni votoi unanimisht pro kandidaturës së paraqitur nga shtëpia kinematografike ON FILM PRODUCTION, me filmin «Luna Park», si përfaqësuese e Shqipërisë në kategorinë «International Feature Film», në edicionin e 98-të të çmimeve OSCAR®.

QKK i uron suksese regjisorit Florenc Papas dhe producentit Dritan Huqi.

Afati i fundit për dorëzimin e aplikimeve: 13 tetor 2025, ora 18:00 (Paris, Francë)

EURIMAGES rikthen programin e ri të mbështetjes për marketingun dhe rritjen e audiencës së filmit për vitin 2025!

Drejtuar producentëve që kanë marrë tashmë mbështetjen e koproduksionit nga Eurimages-i, ky program është hartuar për t’i ndihmuar ata të rrisin vëmendjen ndaj projektit të tyre duke zgjeruar më tej publikun e tij dhe duke arritur përtej vendeve të koproduksionit përmes vënies në përdorim të zgjidhjeve novatore të marketingut.

Përparësi do t’u jepet projekteve ku producentët paraqesin dhe zbatojnë strategji të marketingut dhe rritjes së publikut në një fazë të hershme të produksionit, në bashkëpunim me profesionistë të marketingut (agjentë shitjesh, distributorë, agjenci marketingu dhe komunikimi) me qëllim maksimizimin e publikut dhe distribucionit të mundshëm.

Ky program synon të mbështesë 15 filma në vit, me një limit prej 50,000 € për film. Kjo mbështetje jepet në formën e një granti të pakthyeshëm. Qëllimi është që kjo përzgjedhje filmash të mbështetur nga Eurimages-i të publikohet në një numër më të madh territoresh dhe të arrijë një publik më të gjerë.

Për të aplikuar për mbështetje, producentët përfaqësues të filmave në fjalë duhet të plotësojnë kushtet si më poshtë:
• të kenë marrë mbështetjen e koproduksionit nga Eurimages-i midis qershorit 2023 dhe qershorit 2025,
• të kenë nënshkruar një memorandum marrëveshjeje ose një kontratë me një agjent ndërkombëtar shitjesh, dhe
• të mos kenë organizuar ende shfaqjen e parë të filmit në fjalë në një festival apo prezantimin e tij të parë në një treg.

Klikoni në linkun e mëposhtëm për më tepër informacione rreth rregolloreve, afateve të dorëzimit dhe portalin e aplikimit: https://www.facebook.com/share/1BXMABwC9s/

Largimi i Dhimitër Anagnostit është një humbje që ndjehet thellë, një boshllëk që nuk mund të plotësohet. Por, edhe pse nuk është më midis nesh, krijimtarinë e tij e ndjejmë ende çdo ditë, kudo ku arti flitet dhe jeton.

Ai nuk ishte thjesht një artist—ishte një shpirt që e ndiente çdo detaj të jetës dhe e pasqyronte atë në çdo vepër filmike. Me çdo fjalë, çdo skenë, çdo dritë të imagjinatës së tij, na mësoi që kinemaja është arti më i bukur. Nuk ishte vetëm krijues, ishte një njeri që e bëri artin një pasion që të zinte frymën.

Në çdo pjesë të veprës së tij, mbeti një shenjë e pashlyeshme: ajo e një njeriu që ia dha gjithçka artit që besonte. Veprat e tij janë më shumë se thjesht histori—janë gjurmë që do të udhëheqin brezat që do të vijnë.

Taqo, faleminderit që më shumë se një jetë, na dhurove një pasuri të pafundme. U prehsh në paqe, dhe artin tënd do ta mbajmë përjetësisht të ndezur.

---

---

---

---

---

---

---

---

---

---

---

---

---

---

---

Sot, në Qendrën Kombëtare të Kinematografisë, u shpallën 5 fituesit e radhës që do të sjellin në jetë 5 projekte filmash të gjatë artistikë dhe bashkëprodhime ndërkombëtare!

Fituesit në kategorinë e filmit artistik me metrazh të gjatë shqipëtar janë:

«DIELL I FTOHTË»
Artalb Film Productions
Regji & Skenar: Gentian Koçi
Producent: Blerina Hankollari

«E BARDHË… E KUQE»
ARTFILM P&D
Regji & Skenar: Pluton Vasi
Producent: Vjollca Dedei

«REVOLTË NË FERR»
MEDIAVISION
Regji: Namik Ajazi
Skenar: Visar Zhiti
Producent: Namik Ajazi

Fituesit në kategorinë Minority Co-production janë:

«ZBARDHJE»
Papadhimitri Film Production (Shqipëri)
Producent: Dionis Papadhimitri
Regji: Kaltrina Krasniqi
Skenar: Doruntina Basha
Vera Films (Kosovë)

«DUA TË SHKOJ SËRISH NË DET»
Artalb Film Productions (Shqipëri)
Producent: Blerina Hankollari
Plan Bee Films (Kosovë)
Regji & Skenar: Leart Rama

«Burri i Shtëpisë», me skenar dhe regji nga Andamion Murataj, ka premierën para publikut ndërkombëtar sonte në edicionin e 31-të të festivalit prestigjioz të filmit në Sarajevë.

Filmi debutues i regjisorit Murataj është përzgjedhur dhe do të shfaqet sonte në premierë botërore si pjesë e Competition Programme – Feature Film Out of Competition.

Në rolet kryesore: Drita Kaba Karaga, Alesia Ruçi, Bislim Muçaj, Astrit Alihajdaraj

Ky bashkëprodhim ndërmjet:
Shqipërisë – Lissus Media, Italisë – Palomar, Austrisë – Elly Films, Kroacisë – Peglanje Snova, Kosovës – Thumbs Up, Maqedonisë së Veriut – Manufaktura.

Ky film është mbështetur financiarisht nga: Qendra Kombëtare e Kinematografisë, Ministria Italiane e Kulturës, Instituti Austriak i Filmit, Qendra Kinematografike e Kosovës, Qendra Audiovizuale e Kroacisë, Agjencia e Filmit e Maqedonisë së Veriut dhe Eurimages.

---

Sot u zhvillua një takim i rëndësishëm për të ardhmen e industrisë audiovizuale në Shqipëri, ku u prezantua programi i qeverisë dhe drejtimet e reja strategjike për këtë sektor dinamik.

Të pranishëm në event ishin Ministri Blendi Gonxhja dhe Ambasadori i Mbretërisë së Bashkuar në Shqipëri, z. Nick Abbott, të cilët nënvizuan rëndësinë e partneritetit ndërkombëtar në zhvillimin e industrive kreative.

Një falënderim i veçantë, për British Council, për mbështetjen e vyer dhe për praninë online të dy ekspertëve të njohur britanikë:
• John Newbigin, krijues i platformës Creative UK
• Iain Bennett, ekspert i industrive digjitale

Të dy dhanë një pasqyrë të qartë dhe vizionare mbi mundësitë që ofron kjo industri dhe hapat që duhet të ndërmarrim për të ecur përpara.

Prezantuam strategjinë e re të drejtimit të QKK-së dhe rregulloren e re për funksionimin e institucionit, në përputhje me zhvillimet bashkëkohore të sektorit.
Komuniteti i kineastëve mori pjesë aktivisht, duke ndarë mendimet dhe idetë e tyre, të cilat përputhen me drejtimet e reja të strategjisë audiovizuale.

Në fund të sesionit, u prezantuam edhe me një iniciativë të re shumë premtuese: Creative Europe Desk Albania, një pikë kyçe për lidhjen me programet evropiane për industrinë kreative. Kjo iniciativë u prezantua nga zv. Ministrja e Ekonomisë, Kulturës dhe Inovacionit, znj. Lira Pipa, dhe znj. Rina Plaku, drejtore e zyrës “Desk Albania”.

Ky ishte një hap domethënës për të çuar përpara industrinë audiovizuale shqiptare dhe për ta pozicionuar atë në hartën europiane të krijimtarisë!

---

---

---

---

---

---

---

---

---

---

---

---

---

---

---

---

---

---

---

---