Me financimin e Qendrës Kombëtare të Kinematografisë, filloi xhirimet filmi i animuar «Burri», me regji të Artur Dautit, prodhim i Shtëpisë Kinematografike «Bunker Film», me producent Eno Milkani, dhe kamera Adi Grishaj.
Në role kryesore Meri Dishnica dhe Ergys Faja. Grimi Pranvera Metolli.
Një film me teknikë të kombinuar me xhirime dhe animacion.
Me financimin e Qendrës Kombëtare të Kinematografisë kanë filluar xhirimet e filmit dokumentar me titull “Porto Palarmo – ku mbijetoi populli i Dantes”, me regji të Dionis Papadhimitrit, prodhim i Shtëpisë Kinematografike “Teart Production p.f.”, dhe producent Herta Basha.
Me financimin e Qendrës Kombëtare të Kinematografisë, sot më datë 20 Maj filloi xhirimet filmi artistik me metrazh të gjatë kategoria Vepër e Parë, me titull «Legjenda e Bastunit», regjia Xhosli Rama, prodhim i Shtëpisë Kinematografike «ERE FILM», producent Mihal Rama.
QKK njofton hapjen e konkurimit të projekte kinematografike për financim për :
1. Filma artistikë me metrazh të gjatë vepër karriere, te cilet kane marre financim nga QKK për Zhvillim Projekti
2. Filma artistikë me metrazh të gjatë vepër e Irë, të cilët kanë marrë financim nga QKK për Zhvillim Projekti
Qendra Kombëtare e Kinematografisë njofton se më datë 17 maj 2021 në Këshillin e Evropës është nënshkruar «Konventa për Bashkëprodhimet Kinematografike».
Ambasadorja shqiptare pranë Këshillit të Evropës, Znj. Albana Dautllari, nënshkroi me zv.Sekretarin e Përgjithshëm të KiE, z. Bjorn Berge, «Konventën e Këshillit të Evropës për Bashkëprodhimin Kinematografik (e rishikuar)», e cila hyn në fuqi pasi të ratifikohet nga vendi ynë.
Konventa ishte hapur për nënshkrim nga shtetet anëtare dhe shtetet e tjera palë në Konventën Kulturore Evropiane dhe për aderim nga shtetet e tjera jo-anëtare dhe Bashkimi Evropian, në Roterdam me 30 janar 2017. Vendi ynë është vendi i 35-të që ka nënshkruar Konventën.
Qëllimi i Konventës së rishikuar është të sigurojë një bazë ligjore dhe financiare për bashkëprodhimin e filmave me metrazh të gjatë që përfshijnë kompani prodhimi të krijuara në tre ose më shumë shtete palë. Konventa e rishikuar mund të përdoret gjithashtu si një bazë ligjore dypalëshe në mungesë të një traktati specifik të bashkëprodhimit midis dy palëve.
Pjesëmarrja e një ose më shumë bashkë-prodhuesve, të cilët nuk janë palë është e mundur, me kusht që kontributi i tyre i përgjithshëm të mos kalojë 30% të kostos totale të prodhimit.
Gjithashtu, vepra e bashkë prodhuar duhet të përmbushë përkufizimin e një vepre kinematografike zyrtarisht të bashkëprodhuar të paraqitur në Shtojcën II të Konventës. Kjo Konventë sjell të përditësuara dispozitat e Konventës Evropiane të 1992 për Bashkëprodhimin Kinematografik (ETS Nr. 147), konventë që është ratifikuar nga vendi ynë që më 9 shtator 2009.
Council of Europe Convention on Cinematographic Co-production (revised)
Këshilli i Miratimit të Projekteve, në mbledhjen e datës 12 Maj 2021, miratoi projektin “Filmat Temë diplome e studentëve Diplomantë Bachelor të Universitetit të Arteve, Tiranë-2021”, paraqitur nga shtepia kinematografike “On Film Production” sh.p.k.
Qendra Kombëtare e Kinematografisë njofton shtëpitë kinematografike për rezultatet e vlerësimit për projektet e paraqitura për konkurim në kategoritë festivale filmi dhe projekte të ndryshme kinematografike.
Njoftohen të gjithë kineastët se Rregullorja e Q.K.K. ka pësuar disa ndryshime, të cilat janë miratuar më datë 27 Prill 2021.
Njoftohen të gjithë Producentët e regjistruar pranë Q.K.K. për shëbimin më të ri që ofron A.Q.SH.F., nëpërmjet portalit E-Albania, në lidhje me depozitimin e veprës së përfunduar filmike në fondin arkivor të AQSHF.
https://e-albania.al/eAlbaniaServices/UseService.aspx?service_code=14255
Ky shërbim u mundëson kineastëve që prodhojnë një vepër filmike me fondet e përfituara nga aplikimet në Qendrën Kombëtare Kinematografike ose që duan ta depozitojnë veprën e tyre të pavarur në mënyrë vullnetare. Depozitimi i veprës së re filmike në fondin arkivor të AQSHF-së është detyrim ligjor për kineastët që përfitojnë financime nga projektet fituese të Qendrës Kombëtare Kinematografike. Ky shërbim, i ofrohet gjithashtu, kienasëve që kanë prodhuar një vepër të pavarur, jo të financuar nga shteti por që duan ta depozitojnë në fondin arkivor të AQSHF-së me vullnetin e tyre të lirë.
Marrëveshje bashkëpunimi ndërmjet Universitetit të Arteve dhe Qendrës Kombëtare të Kinematografisë për implementimin e dokumentit «Pakti për Universitetin», № 172 i protokollit të QKK, datë 16 Mars 2021