Në qoftë se Shqipëria anëtarësohet në këtë projekt, duke qenë se buxheti i vendeve ballkanike është disa herë më i madh se ai i yni, do kemi përfitime në shifra më të mëdha se kontributi që ne japim. Duke fituar tashmë reputacionin e një vendi me shumëllojshmëri hapësirash favorizuese për filmin, Shqipëria konsiderohet avantazh për producentët e huaj të filmave për shkak të klimës, burimeve natyrore, varieteteve të vendeve, pozitës së favorshme gjeografike, kulturës ende të pazbuluar mirë, talenteve të reja dhe mbi të gjitha traditës së veçantë mijëra vjeçare të ruajtur në trevat shqiptare. Bashkëpunimi me producentë ballkanas me prejardhje shqiptare do ketë impakt më të madh në fushën e kinematografisë shqiptare.
Nga pikëpamja financiare këto projekte do të garantojnë një interes të mirëfilltë financiar prej miliona euro që investohen në territorin shqiptar duke ju përgjigjur edhe politikave të qeverisë për tërheqjen e investimeve të huaja në vendin tonë. Në strategjinë e Qendrës Kombëtare të Kinematografisë kemi parashikuar një politikë aktive për rritjen e këtyre investimeve duke krijuar të gjithë hapësirën juridike dhe fiskale konkuruese me vendet e tjera të rajonit të cilat tashmë kanë bërë hapat e tyre në këtë drejtim.
Shqipëria aspiron të bëhet një faktor konsistent në rajon, duke mbartur një reputacion filmik interesant në nivel rajonal dhe më gjerë. Në optikën e sotme, filmi shqiptar duket sa dinjitoz në udhën e përshkruar, po aq ambicioz për të propozuar një kinematografi të re energjike plot me tema interesante të cilat shpesh ngjallin interes tek krijuesit dhe producentët ndërkombëtare. Anëtarësimi në bashkëpunimin rajonal,ku përfshihen fondi minoritar, fondi për shqiptarët jashtë teritorit shqiptar dhe fondi për filmat e huaj që xhirohen në Shqipëri nëpërmjet parimit të reciproritetit do integrojë vendin tonë në kinemanë botërore nëpërmjet angazhimeve dhe bashkëpunimit me kinemanë ballkanike.
Kjo përqasje korenspondon me pritshmëritë e gjithë partnerëve europianë të cilët e shohin bashkëpunimin rajonal si çelësin e integrimit të vendit në Europë. Kinematografia është e nxitur nga partnerët tanë të bëjë hapat e duhura në këtë drejtim duke siguruar të gjithë mbështetjen financiare europiane për projekte të tilla dhe këtë e kemi konfirmuar në takimet zyrtare, në forume dhe aktivitete që kanë në fokus pikërisht nxitjen e kësaj politike integruese në kinematografi.
Nga sa thame më lart QKK është duke ndërtuar projekte ambicioze si laboratori ballkanik i filmit dokumentar dhe artistik në partneritet me Istituto Luce dhe qendrat kinematografike të Ballkanit, i cili do të mundësojë realizimin e dokumentarëve me temë ballkanike duke e kthyer Shqipërinë në një qendër kinematografike të rëndësishme për rajonin.
Ne synojmë të organizojmë aktivitete komplekse në bashkëpunim me qendrat kinematografike ballkanike në të cilat do të marrin pjesë kineastë të rinj nga rajoni, ku vlen të përmenden:
Krijimi i databazës ballkanike të produksioneve të mbaruara dhe atyre që janë në proçes
Databazë e aktorëve ballkanikë
Databaze e stafeve profesionale ballkanike
Databazë e serviseve ballkanike
Databazë e studiove ballkanike
Databazë e shkollave ballkanike të filmit
Databazë e festivaleve ballkanike të filmit
Konkurse për zhvillim projektesh ballkanike
Workshop-e dhe aktivitete të tjera formuese
Partnerët e mundshëm:
QKK
Instituto Luce, Itali
Apulia Film Commission
Istituto Culture Mediterrane
Festivalet shqiptare të filmit
Në vijim të Vendimit të Këshillit të Ministrave për ndryshimin në statusin e QKK-së hapen detyrime të reja ndaj fondit ballkanik, fondit minoritar, fondit nga shqiptarët jashtë territorit shtetëror, Tax Rebate per film e ha qe realizojne xhirimet ne vendin tone.
Fondi ballkanik
Fondi minoritar
Fondi nga shqiptarët jashtë territorit shtetëror
Tax Rebate per film e ha qe realizojne xhirimet ne vendin tone
Inisiativa e Qendrës Kombëtare të Kinematografisë për krijimin e Fondit Ballkanik u promovua në Otranto Film Fund Festival. Kjo inisiativë ndërmerret në partneritet me Apulia Film Commission dhe shprehjen e interesit nga ISTITUTO LUCE.
Të pranishëm në panel ishin përfaqësues nga qendrat kinematografike të Ballkanit, Shqiperi, Kroaci, Bosnje, Montenegro, si edhe përfaqësues nga Ministria Italiane e Kultures, Istituto Luce, Apulia Film Commission, Fondacioni Mesdhetar i Kultures dhe Komuna e Otrantos.
