Qendra Kombëtare e Kinematografisë (QKK) është krijuar në vitin 1997.
QKK është institucioni më i rëndësishëm kombëtar që inkurajon, financon dhe promovon prodhimin kinematografik në Shqipëri. Përmes administrimit të fondit publik, QKK mundëson zhvillimin e industrisë së filmit në vendin tonë.
Foto nga xhirimet e filmit me metrazh të shkurtër « Shija e derrit », skenari Elvis Lule dhe Erenik Beqiri, regjia Elvis Lule, prodhim i shtëpisë kinematografike « Element Studio ».
Filmi është financuar nga Qendra Kombëtare e Kinematografisë.
MTCP – Malaysian Technical and Cooperation Programme
ofron falas një kurs trajnimi për Prodhimin e Dokumentarëve TV, i cili zhvillohet në Malajzi në datat
24 Qershor – 26 Korrik 2019. Mosha e aplikantëve 26 – 50 vjeç.
Shpenzimet e udhëtimit dhe akomodimit dhe fee-ja e kursit mbulohen nga pala Malazeze.
Informacionet e detajuara i gjeni në linkun e mëposhtëm:
https://mtcpcoms.kln.gov.my/mtcpcoms/online/list_course/IPP00005
Broshurën e kursit këtu:
https://mtcpcoms.kln.gov.my/mtcpcoms/upload/IPP00005bro.pdf
Të interesuarit duhet të plotësojnë formularin e ,ëposhtëm dhe ta dërgojnë pranë QKK. brenda datës 10 maj ora 14:00.
https://mtcpcoms.kln.gov.my/mtcpcoms/upload/NewApplicationFormMTCP.pdf
Dje në prezencë të Sekretares së Përgjithshme dhe përfaqësuesve të Ministrisë së Kulturës, të kryetarit në largim Z. Ilir Butka dhe stafit të Qendrës Kombëtare të Kinematografisë, u prezantua dhe mori detyrën si Kryetari i ri i QKK-së, Z. Eduart Makri.
Duke falënderuar Z. Butka për punën dhe arritjet gjatë mandatit të tij, Z. Makri siguroi se do të shtyjë përpara sukseset e QKK dhe do të angazhohet në krijimin e iniciativave të reja në mbështetje të kineastëve shqiptarë.
Eduart Makri ka lindur në Gjirokastër më 5 Qershor 1957, ku studioi deri në përfundim të shkollës së mesme.
Në 1981 mbaron me sukses studimet për aktor në Institutin e Lartë të Arteve në Tiranë. Që gjatë viteve të studimit përzgjidhet për rol kryesor nga regjisori Dhimitër Anagnosti, në filmin “VËLLEZËR DHE SHOKË” (1979). Pas kësaj fiton role kryesore në “BESA E KUQE” dhe “NË KUFI TË DY LEGJENDAVE” me regjisor Piro Milkani, në filmin “NATË PA DRITË” të regjisorit Gëzim Erebara si dhe “NË EMËR TË LIRISË” të Regjizorit Fehmi Oshafi.
Pas studimeve punon si Asistent Regjisor i Parë (First AD) në Kinostudion “Shqipëria e Re”, me regjisorët më të suksesshëm: duke punuar në 12 filma gjatë 5 vjetëve.
Në gusht të 1993, emërohet Drejtor i Drejtorisë së Arteve në Ministrinë e Kulturës, Rinisë dhe Sporteve, nën Ministrin e asaj kohe Z. Dhimitër Anagnosti. Në këtë detyrë merr pjesë drejtpërdrejt në hartimin dhe miratimin e Ligjit “Mbi Kinematografinë” dhe qe anëtar i grupit të punës, që projektoi dhe miratoi ndërtimin dhe miratimin e “Ligjit mbi veprimtarinë televizive dhe audiovizuale”.
Largohet nga Ministria e Kulturës për të krijuar dhe punuar si Drejtor Ekzekutiv në fondacionin e parë të pavarur për kulturën dhe artet: Fondacioni “Fan Noli”, të kryesuar nga Kryetari z. Dhimitër Anagnosti. Gjatë kësaj kohe organizon edhe 2 spektakle të mëdha muziko-letrare në bashkëpunim me TVSH.
Në vitin 1999 largohet me familjen për pothuajse 20 vjet në Toronto, kohë gjatë të cilës nuk e ndërpret punën në fushën e filmit, si aktor, skenarist, regjisor dhe producent. Ai është anëtar i ACTRA (The Alliance of Canadian Cinema, Television and Radio Artists) dhe WGC (Writer’s Guild of Canada).
Në vitin 2015 realizon filmin e tij të suksesshëm “Quo Vadis?”, pjesëmarrës në konkurimin zyrtar një 12 festivale ndërkombëtare (US & Canada), fitues i 3 çmimeve ndërkombëtare.
Në 2018-tën kthehet në Tiranë dhe angazhohet si pedagog i Mjeshtërisë së Regjisurës në Akademinë e Filmit dhe Multimedias MARUBI.
Në 17 prill 2019 emërohet Kryetar i Qendrës Kombëtare të Kinematografisë.
Krijimtarinë artistike të z. Eduart Makri e gjeni këtu: Eduart Makri – Krijimtaria Artistike
Një tjetër lajm i mirë për kinemanë shqiptare. Filmi debutues «Internimi» i Kast Hasës fiton Filmi më i mirë i huaj në premierën e tij në Arizona. Urime gjithë ekipit. Ky film është financuar nga Qendra Kombëtare e Kinematografisë.
Thirrje ndërkombëtare për prodhimin ekzekutiv të 9 episodeve 10-minutëshe për web, si pjesë e një seriali antropologjik me temën «Journey».
Çdo episod financohet me 20 000 euro.
Ftohen të gjithë producentët e interesuar, të regjistruar pranë QKK-së, të aplikojnë në bashkëpunim me një regjisor nën 35 vjeç.
Kjo iniciativë realizohet në kuadër të Programit INTERREG IPA CBC Itali-Shqipëri-Mal i Zi dhe financohet nga Fondacioni Apulia Film Commission.
Thirrjen e plotë dhe dokumentat e aplikimit i gjeni në:
https://www.italy-albania-montenegro.eu/circe-international-call-for-the-executive-production-of-9-episodes-of-a-web-series
Për thirrjen e përkthyer në shqip klikoni këtu.
Për informacione të mëtejshme na kontaktoni: info@qkk.al
Përfundojnë;xhirimet e filmit të animuar «Man Wanted», regji Irida Zhonga, shtëpi kinematografike «FotoKozmos».
Filmi është financuar nga Qendra Kombëtare e Kinematografisë.
Filmi «Internimi» i regjisorit Kast Hasa, merr pjesë në Arizona International Film Festival. Kjo është edhe premiera botërore e këtij filmi, i cili është financuar nga Qendra Kombëtare e Kinematografisë në kategorinë e filmit artistik, metrazh i gjatë, vepër e parë.
Filmi tregon ngjarje tw vitit 1983, nga Shqipëria gjatë sundimit komunist. Familja Kulla lufton ndërsa janë detyruar nga agjentët qeveritarë të internohen. Për Arturin, djali i familjes, gjërat bëhen më të ndërlikuara, pasi lagjet e reja të improvizuara të familjes janë afër afërt të dashurisë së tij, Frida, e cila detyrohet të angazhohet me një operacion të rangut të lartë. Familja vazhdon të nënshtrohet më tej në rrethana të egra dhe të pashpjegueshme, siç zbulohet më vonë mik i sapo riatdhesuar, në një përpjekje për të ndihmuar familjen, i komplikon gjërat më tej.
Deklarata e Regjisorit
Duke u rritur në Shqipërinë komuniste, nuk isha krejtësisht në dijeni të frikës dhe shtypjes që qeveria po shkaktoi në jetën e popullit të saj, jo vetëm për shkak të propagandës komuniste, por kryesisht për shkak se prindërit e mi kurrë nuk folën për të, duke pasur frikë se do të merrja fjalën jashtë. Vetëm 10 km nga qyteti im ishin këto fshatra, njerëzit e të cilëve qeveria kishte detyruar internimin vetëm për shkak të diçkaje që kishin thënë. Internimi është një përpjekje për të hedhur dritë në mizoritë dhe absurditetet e kësaj kohe të veçantë.
Kategori Dramë.
Temat Historiku, Të Drejtat e Njeriut, Kinema Botërore
Dy çmime nga Barcelona.
Suksesi i rradhës për HOLY BOOM të Maria Lafit, bashkëprodhim kinematografik greko-shqiptar, financuar nga Qendra Kombëtare e Kinematografisë!
HOLY BOOM i Maria Lafi – deshmi e politikes se drejte strategjike per pjesmarrjen ne minority te Qendres Kombetare te Kinematografise te projekteve te huaja me bashkeprodhues shqiptare .
Foto nga xhirimet e filmit dokumentar «Gaveta», regjia Kreshnik Harshova, shtëpia kinematografike «Albimage Studio».
Filmi është financuar nga Qendra Kombëtare e Kinematografisë.
Fillojnë xhirimet e filmit me metrazh të shkurtër « Ngjarje », regjia Lorin Terezi, shtëpia kinematografike “Kaçak”.
Filmi është financuar nga Qendra Kombëtare e Kinematografisë.
