Gjatë Javës Kulturore Kombëtare do të shfaqen disa nga filmat më të mirë të kinematografisë shqiptare, të realizuar vitet e fundit nga regjisorë e producentë, shqiptarë e kosovarë.
Mos i humbisni!
Hyrja e lirë.
Në kuadër të nisjes së Javës Kombetare, ditën e hënë, më 21 Nëntor 2022, ora 19:00, pranë «Tulla Creative Center» do të shfaqet filmi «Zgjoi», regjisores Blerta Basholli.
Pas shfaqjes eshte menduar te zhvillohet nje bisede spontane me regjisoren, Znj. Basholli.
«Nji prej Nesh» mund ta shikoni në Kinema Millennium & Cineplexx Albania nga data 17 Nëntor.
«Nji prej nesh», vepra e parë e regjisorit Ergys Meta, vjen pas premierës ndërkombëtare në festivalin e Cottbusit.
Ky film është prodhuar nga ERAFILM PRODUCTIONS në bashkëpunim me IliriaFilm dhe DMF Digital Media & Film me mbështetjen financiare të Qendrës Kombëtare të Kinematografisë, Qendrës Kinematografike të Kosovës dhe North Macedonia Film Agency.
Gjatë edicionit të 63-të të Festivalit Ndërkombëtar të Selanikut, Rrjeti i Kinemasë së Evropës Juglindore (SEE Cinema Network) zhvilloi mbledhjen e Asamblesë së Përgjithshme të premten më 11 nëntor, në MOmus – Muzeu i Fotografisë së Selanikut. Përfaqësuesit ishin: Arben Lami (ALB), Diomedes Nikita (CY), Athena Kartalou (GR), Aleksandra Božović (MNE), Lum Citaku (XK), Bojan Lazarevski (MKD), Ilinka Teodorescu (RO), Kamen Balkanski (BG ). Mbledhja u koordinua nga Anna Kasimati, Sekretarja e re Ekzekutive e Rrjetit Kinematografik SEE.
Projektet e financuara janë:
1. PIKË UJI/ Robert Budina SHQIPËRI
2. GIZEM/ Stelana Kliris QIPRO
3. GLORY B/ Konstantinos Antonopoulos GREQI
4. KTHIMI NË MAL/ Antoneta Kastrati KOSOVË
5. JUGOSLAVA/ Ivan Bakrac MALI I Zi
6. “17“/ Kosara Mitić MAQEDONIA E VERIUT
7. INK WASH/ Sarra Tsorakidis ROMANIA
https://www.filmfestival.gr/en/all-news-en/28219-see-cinema-network-awards
VARIETY publikon trailerin e filmit artistik “Një Filxhan Kafe dhe Këpucë të Reja Veshur”, regjia Gentian Koçi, prodhuar nga shtëpia kinematografike ARTALB FILM.
Filmi do të ketë premierën botërore në Tallinn Black Nights Film Festival.
Ky film është kandidatura e Shqipërisë në OSCARS 2023.
Me financimin e Qendrës Kombëtare të Kinematografisë, prodhuar nga shtëpitë kinematografike “Albasky”, “d’Art Production” dhe “Element Studios”, në bashkëpunim me Universitetin e Arteve dhe Ministrinë e Kulturës, në kuadër të marrëveshjes “Pakti për Universitetin”, ditën e enjte me datë 10 Nëntor ora 18.00 në Sallën Black Box në Universitetit e Arteve Tiranë, do të shfaqen filmat “Temë diplome” të studentëve të diplomuar gjatë vitit akademik 2021 – 2022.
“Punë me zarar”, regjia Ardit Vila
“Shkrepe”, regjia Edinjo Jahja
“Lucid”, regjia Enkel Mema
“Fëmija”, regjia Enton Lazaj
“Flatline”, regjia Fatjona Katroshi
“Rasti i çuditshëm i Terezitës”, regjia Renis Hyka
Bridging the Dragon Lab, një workshop në fokus të së cilit janë takimet me kineastë të ndryshëm, ku një rëndësi të veçantë marrin edhe prodhimet kinematografike të vendeve lindore, të cilat përfshijnë disa elementë të kulturës aziatike në strukturë (skenar apo stil xhirimi).
Projektet që plotësojnë kriterin e lartpërmendur, mund të aplikojnë deri më 14 tetor 2022 për të marrë pjesë në këtë event, i cili do t’ju japë mundësi që të njiheni më detajisht me tregun e filmit në vende, si: Kina, Japonia, Taivani, Hong Kongu, Singapori, Korea e Jugut.
Ky organizim do të mbahet në Majorka në datat 25-28 nëntor 2022.
Për të aplikuar, si dhe për të marrë informacione të detajuara, ju lutem vizitioni linqet e mëposhtëm:
Webpage: https://www.bridgingthedragon.com/en/project-lab/index.php
Facebook: https://www.facebook.com/photo/?fbid=480974110726869&set=a.432742212216726
Ka nisur Festivali Ndërkombëtar i Filmit të Animuar “Anifest 22” organizuar nga shtëpia kinematografike “Projekt SXHJ” sh.p.k.
Festivali Ndërkombëtar i Filmit për Fëmijë, “Anifest 22” do të zhvillohet nga data 10-14 Tetor në Gjirokastër dhe nga data 14-17 Nëntor në Shkodër.
Ky festival është financuar nga Qendra Kombëtare e Kinematografisë.
Thirrje për të aplikuar në East Doc Platform 2023, organizuar nga Institute of Documentary Film në Pragë.
East Doc Platform është platforma më e madhe e bashkëprodhimeve, financimit dhe distribucionit enkas për filmat dokumentarë në Evropën Qendrore dhe Lindore.
Për më shumë klikoni këto dokumente:
• East Doc Platform 2023 Open Call
• East Doc Platform 2023 Eligible Countries
• East Doc Platform 2023 Guidelines for Applicants
Zhvillohet në datat: 24 – 30 Mars 2023
Vendndodhja: Pragë, Republika Çeke
Afati i fundit i dorëzimit të aplikimeve: 13 Nëntor 2022
Me financimin e Qendrës Kombëtare të Kinematografisë, filluan xhirimet e filmit dokumentar «Lamtumirë pelikul 35mm», skenari Rezarta Reçi, regjia Rigers Plaka, shtëpia kinematografike Cinemania Production.
