Category: ANCC

Filmi artistik «Kopeja e Deleve» / «Pack of Sheep» nga Dimitris Kanellopoulos, bashkëprodhim në minorancë me shtëpinë kinematografike «ARTALB FILM PRODUCTIONS», producent Gentian Koçi, është përzgjedhur për të mbajtur premierën botërore në garën kryesore, International Competition, në edicionin e 62-të të festivalit prestigjoz të Selanikut, Thessaloniki International Film Festival.

Festivali do të mbahet prej datës 4 deri më 14 nëntor.

Filmi është një bashkëprodhim midis Greqisë, Shqipërisë dhe Serbisë.
«Kopeja e Deleve» / «Pack of Sheep» është financuar nga Qendra Kombëtare të Kinematografisë.

Filmi artistik me metrazh të shkurtër «Gëzuar Vitin e Ri 1982», me skenar të Sokol & Mjaftore Keraj, regji të Sokol Keraj, bashkëprodhim midis shtëpisë kinematografike «Sofilms» me producente Lorina Pepo dhe kompanisë filmike rumune «Quick Zipp srl», me producent Cristian Grigore dhe Peter Velciov, është shfaqur në Bogotá Short Film Festival si pjesë e konkurimit zyrtar.

Filmit artistik me metrazh të shkurtër «Profesionisti», me skenar të Ylljet Aliçkës, regji të Atina Lacos, prodhim i shtëpisë kinematografike «Bunker Film+», me pjesëmarrjen e aktorëve Genti Kame, Xhevair Zeneli dhe Naum Shundi në rolet kryesore, është përzgjedhur dhe është në konkurrim në 2 festivale ndërkombëtare duke filluar kështu rrugëtimin e tij:
• Diorama International Film Festival & Market 18-24 Dhjetor 2021, Indi
• Universal Film Festival në Kansas City, Missouri, USA

Në kuadër të përmbushjes së detyrimit ligjor për konsultimin publik të projektligjeve, QKK publikon në faqen e saj këto materiale:

• Shkresa e Ministres së Kulturës, Znj. Elva Margariti, për konsultimin publik të projektligjit «Për kinematografinë»

• Projektligji «Për kinematografinë»

• Relacioni shoqërues i projektligjit «Për kinematografinë»

Këto materiale i gjeni duke vizituar rubrikën “Projektligji «Për kinematografinë»”, në menunë “Transparenca”, të faqes zyrtare të Qendrës Kombëtare të Kinematografisë.

Këtë tetor, u përkujtua në 85-vjetorin e lindjes shkrimtari dhe skenaristi Teodor Laço. Personalitete të artit dhe kulturës u mblodhën për të sjellë në kujtesë jetën dhe veprën e një dramaturgu e skenaristi, një politikani e diplomati, si Teodor Laço.

---

---

Për herë të parë do të zhvillohet «JAVA E FILMIT SHQIPTAR» në datat 21 – 26 Tetor 2021, e organizuar nga Ambasada e Republikës së Shqipërisë në Shkup, në bashkëpunim me Qendrën Kombëtare të Kinematografisë dhe Kinotekën e Maqedonisë.

Do të shfaqen falas për publikun e Shkupit në ekranin e Kinotekës 9 filma artistikë shqiptarë me metrazh të gjatë e të shkurtër.

---

Filmi «Zgjoi» i regjisores Blerta Basholli ka fituar çmimin si filmi më i mirë në kategorinë «1-2 Competition», në Festivalin e Filmit në Varshavë.

Ky çmim i dedikohet regjisorëve për filmin e tyre të parë ose të dytë të metrazhit të gjatë.

Ky film ështe financuar nga Qendra Kombëtare e Kinematografisë në kategorinë Bashkëprodhim në Minorancë.

Filmi «Virgjëresha shqiptare» i regjisorit Bujar Alimani, vlerësohet me dy çmime në Festivalin Ndërkombëtar të Filmit në Varshavë:
🏆 SPECIAL JURY PRIZE
🏆 ECUMENICAL AWARD

Ky film është një prodhim i Elsani & Neary Media GmbH / Germany, Potemkino Port / Belgium, 90 Production / Albania, Circle Production / Kosovë.

Qendra Kombëtare E Kinematografisë e ka financuar këtë film në kategorinë Bashkëprodhime në Minorancë.

Filmi gjithashtu është financuar nga:
ZDF ARTE
Qendra Kombëtare e Kinematografisë Kosovë
Eurimages
Europe Creative

Falë Projektit CIRCE mbështetur nga programi Interreg IPA CBC Italy-Albania-Montenegro, u realizua digjitalizimi i plotë i sallës së Kinemasë në qytetin e Gjirokastrës.

Në datën 14 tetor kjo sallë u inagurua në praninë e Kryetarit të Qendrës Kombëtare të Kinematografisë, Z. Eduart Makri, Kryetarit të Bashkisë Gjirokastër Z. Flamur Golemi dhe të Ambasadorit të BE-së në Shqipëri, Z.Luigi Soreca.

Në kinemanë e qytetit do të vazhdojnë të projektohen filma shqiptarë dhe në muajt në vijim për publikun e Gjirokastrës dhe turistët e shumtë që vizitojnë qytetin.

---

---

Në bashkëpunim me Torino Short Film Market (TSFM) po kryehn përgatitjet e fundit për BFM Short Punch, një forum «pitching» online për filma të shkurtër nga rajoni i Ballkanit. Ky event, si pjesë e YOU ONLY PITCH TWICE do të jetë një sesion krejt i ri pitching që do të zhvillohet në dhjetor 2021 në bashkëpunim me disa nga emrat më të mëdhenj në rrjetin evropian të «pitching».

BFM Short Punch pitching forum do të zhvillohet online, nëpërpjet platformëss Zoom, më 13 Tetor 2021, nga ora 10:00 deri në 13:00. Informacioni mbi projektin dhe të gjithë «pitches» do të postohen në faqen e internetit të BFM, www.BalkanFilmMarket.com, për producentet e mundshëm dhe shitjet ndërkombëtare.
Në mbrëmjen e 13 Tetorit 2021, në orën 18:00, do të shpallen fituesit.

Regjisori ose producenti i projektit fitues do të ftohet të marrë pjesë në Torino Short Film Market Vol. 6, në Dhjetor 2021. TSFM do t’u ofrojë kineastëve të ftuar një trajnim per pitching nga një trajner profesionist dhe mundësinë për të prezantuar projektin për herë të dytë para një auditori të profesionistëve të industrisë. Kineastët e ftuar do të përfitojnë nga akreditimi falas që ju jep akses në të gjitha aktivitetet si gjatë ditëve të Torino Short Film Market ashtu edhe online, si dhe akomodim për dy netë dhe shumë mundësi per networking.