Category: Film fund

The Albanian National Center of Cinematography (ANCC) was created in 1997.
The ANCC is the only governmental national institution that
finances, encourages and promotes Albania’s film production.

13/12/2015

Torino dhe Shqipëria. Një marrëveshje për shkëmbime në art, kulturë dhe trashëgimi
Ministrja e Kulturës së Shqipërisë znj. Mirela Kumbaro Furxhi dhe Kryetari i Bashkisë së Torinos, Piero Fassino nënshkruan në Torino marrëveshjen e bashkëpunimit në fushën e artit, kulturës dhe trashëgimisë. Marrëveshja u nënshkrua në datën 11 dhjetor 2015 në sallën Rossa të Bashkisë së Torinos, me prezencën e zëvendës presidentit të Këshillit, Gioacchino Cuntrò, .
Marrëveshja tre-vjeçare parashikon shkëmbime të rëndësishme që do të promovojnë dhe mbështesin aktivitete reciproke të të dy vendeve në fushën e muzikës, artit pamor, artit kontemporan, duke vlerësuar njëherësh edhe sektorin e industrisë krijuese, që ndihmon në zhvillimin ekonomik dhe social. Në takimin e parë u diskutua konkretisht për disa propozime konkrete, të cilat do të marrin udhë me ngritjen e ekipeve të përbashkëta dhe punën konkrete shumëdimensionale të institucioneve kulturore të Torinos në Tiranë për projektet konkrete.

Propozimet e para konkrete prekin disa nga fushat e kulturës dhe trashëgimisë.
1. Ekspozita të artit shqiptar dhe të fotografisë në Torino
2. Bashkëpunim profesional dhe trainim në fushën e restaurimeve me Institutin e Restaurimit të Venaria Reale dhe IMK, Tiranë
3. Programe të edukimit kulturor me Muzetë e Torinos dhe Muzetë shqiptare
4. Shqipëria në Panairin e Librit në Torino
5. Bashkëpunime në fushën e filmit.

Në fjalën e saj Ministrja Kumbaro u shpreh se “Diplomacia kulturore e Ministrisë së Kulturës merr rëndësi të veçantë me nënshkrimin e kësaj marrëveshjeje. Strategjia jonë synon të zhvillojmë marrëdhënie ekonomike edhe përmes komunikimit kulturor, duke përfituar nga eksperienca e Torinos, nga ku mund të marrim modelet më të mira të zhvillimit kulturor të Torinos ku turizmi kulturor është sot burimi kryesor i të ardhurave, falë drejtimit inteligjent të Kryetarit të Bashkisë, Piero Fassino”.
Kjo marrëveshje merr rëndësi të veçantë duke patur parasysh rolin e rëndësishëm që luan Bashkia e Torinos në fushën e promovimit të artit dhe të kulturës dhe titullin Creative City për kategorinë e Design-it, që i është dhënë Qytetit të Torinos nga UNESCO, duke patur gjithashtu parasysh angazhimin e Ministrisë së Kulturës së Shqipërisë për të zhvilluar më tej bashkëpunimin në sektorin e kulturës dhe të trashëgimisë kulturore, si edhe për të forcuar lidhjet e miqësisë së sinqertë mes dy vendeve dhe dy popujve.

Marrëveshja e bashkëpunimit angazhon Bashkinë e Torinos dhe Ministrinë e Kulturës të mbështesin dhe të promovojnë bashkëpunime me Qendrën Kulturore Shqiptare , drejtuar nga Benko Gjata, si një faktor aktiv, zhvillues dhe promovues i artit dhe kulturës, kthyer tashmë në një pikë referimi për 6 mijë shqiptarët rezidentë në këtë rajon. Bashkëatdhetarët tanë janë ambasadorë të shkëlqyer të vendit në Itali. 

Ministrja e Kulturës Kumbaro zhvilloi takime dhe diskutoi për projekte konkrete me Rajonin e Piemontes me Assessoren për Bashkëpunimin Ndërkombëtar, Monica Cerutti dhe me zv/Presidenten e Rajonit, Daniela Ruffino, ku u diskutua për pjesëmarrjen e të rinjve shqiptarë në aktivitetin “Ditët e Evropës”, i cili organizohet nga Rajoni i Piemontes në muajin maj 2016 .

Ministrja Kumbaro mori pjesë në konferencën “Revolucioni Helenik: drejt globalizmit dhe zbulimit të laicitetit të artit”, organizuar nga Qendra Kulturore Shqiptare dhe Qendra e Studimeve Arkeologjike Herakles dhe në koncertin ku artistët Lindita Kopliku (piano) e Giovana Guli (violinë) interpretuan vepra të kompozitorëve shqiptarë dhe evropianë.

Centro Sperimentale di Cinematografia

12/12/2015

Vizite e kryetarit te QKK z. Ilir Butka dhe drejtorit te Media Desk z. Arben Papadhopulli ne shkollen me te rendesishme te kinematografise ne itali Centro Sperimentale di Cinematografia ne Rome

08/12/2015
NJOFTIM

Këshilli Miratues i Projekteve, u mblodh sot, më datë 7.12.2015, për të shqyrtuar projektet për filmat artistikë me metrazh të shkurtër, të animuar dhe dokumentarë të paraqitur në konkurim deri në datën 30 Shtator 2015. Komisioni i Shqyrtimit Paraprak të Projekteve kualifikoi për konkurim këto projekte:

I. Filma artistikë me metrazh të shkurtër:

1. “Ata”, skenari Emiljo LEKA, Anis LEKA, regjia Emiljo LEKA, paraqitur nga shtëpia kinematografike “Albasky Film”.
2. “Blu”, skenari dhe regjia Edmond MANDRO, paraqitur nga shtëpia kinematografike “Grishaj Film Production.”
3. “Contromano”, skenari dhe regjia Andamion MURATAJ, paraqitur nga shtëpia kinematografike “Lissus Media”.
4. “Jetë përballë”, skenari dhe regjia Viron ROBOCI, paraqitur nga shtëpia kinematografike “d’ART”.
5. “Motër e vëlla”, skenari Vladimir PRIFTI, regjia Irdit KASO, paraqitur nga shtëpia kinematografike “EuroFilm”
6. “Një histori dashurie”, skenari dhe regjia Ylljet ALIÇKA, paraqitur nga shtëpia kinematografike “Kinostudio Dardan”.
7. “Online”, skenari Ermir NIKA, regjia Besnik BISHA, paraqitur nga shtëpia kinematografike “A.A.”.
8. “Rënia”, skenari dhe regjia Belina JANO, paraqitur nga shtëpia kinematografike “Animated Society”.
9. “Thesari”, skenari dhe regjia Geris FILIPI, paraqitur nga shtëpia kinematografike “Teatër TV Studio”.

II. Filma dokumentarë:

1. “Dritë”, skenari dhe regjia Yllka GJOLLESHA, paraqitur nga shtëpia kinematografike “A. Daja”.
2. “Ngjarje pa lëvizje (Teatri ne Flakë)”, skenari dhe regjia Ervin ÇOBA, paraqitur nga shtëpia kinematografike “ALBASKY Film”.
3. “Koha e palikulës”, skenari Natasha LAKO, Mevlan SHANAJ dhe regjia Mevlan SHANAJ, paraqitur nga shtëpia kinematografike “Zig-Zag”.
4. “Lamtumirë bunkerëve të Hoxhës”, skenari dhe regjia Algert SKËNDERI, paraqitur nga shtëpia kinematografike “Nostalgia Film”.
5. “Të burgosur pa burg”, skenari Ardita BALAJ, regjia Verjana ABAZAJ, paraqitur nga shtëpia kinematografike “Filter Film”.
6. “Fuqia e sportit”, skenari Tan KAZAZI, Fabio BEGA, Ajola DAJA, regjia Tan KAZAZI, paraqitur nga shtëpia kinematografike “Black Box”.
7. “Epos”, skenari Shaban SINANI, regjia Ylli PEPO, paraqitur nga shtëpia kinematografike “Grishaj Film Production”.
8. “Kërcim mbi re”, skenari Naomi UMAN, Iris ELEZI, regjia Naomi UMAN, paraqitur nga shtëpia kinematografike “I’s Continuum”.
9. “Oxhaqe të shuara”, skenari Enver KUSHI, regjia Donika MUÇI, paraqitur nga shtëpia kinematografike “Action Production”.
10. “Piro Mani, emblema e teatrit”, skenari Bashkim KOZELI, regjia Pëllumb DERVISHI, paraqitur nga shtëpia kinematografike “Cinemania”.
11. “Saga e Dinejve”, skenari Luan RAMA, Enver KUSHI, regjia Kujtim GJONAJ, paraqitur nga shtëpia kinematografike “Bota Shqiptare”.

III. Filma të animuar:

1. “Bonboni Pelivoni”, skenari Arben SHAKA, regjia Rikarda NOVA, paraqitur nga shtëpia kinematografike “Cinemania”.
2. “Kaini”, skenari dhe regjia Shaqir VESELI, paraqitur nga shtëpia kinematografike “Pika Pro”.
3. “Këngë e pandërprerë dashurie”, skenari Petrit RUKA, regjia Ergys FAJA, paraqitur nga shtëpia kinematografike “Projekt SXHJ”.
4. “Një histori”, skenari Eridon PASHAJ, regjia Albana SHOSHI, paraqitur nga shtëpia kinematografike “Projekt SXHJ”.
5. “Qeni i pangopur”, skenari Kosta ZHONGA, regjia Jani ZHONGA, Kosta ZHONGA, paraqitur nga shtëpia kinematografike “MadiArt”.
6. “Ritual në errësirë”, skenari dhe regjia Elton VOGLI, paraqitur nga shtëpia kinematografike “Creative Box”.

Sipas parashikimit të bërë në rendin e ditës, autorët dhe producentët prezantuan projektet e tyre. Më pas KMP diskutoi për projektet. Pas kryerjes së procedurës së votimit, bazuar edhe në vlerësimet teknike të bëra nga Komisioni Financiar, Këshilli i Miratimit të Projekteve me shumicë votash

V E N D O S I:

I. T’i propozojë Kryetarit të Qendrës Kombëtare të Kinematografisë financimin e projekteve kinematografike për filma artistikë me metrazh të shkurtër si më poshtë:

1. “Ata”, skenari Emiljo LEKA, Anis LEKA, regjia Emiljo LEKA, paraqitur nga shtëpia kinematografike “Albasky Film”. 
2. “Motër e vëlla”, skenari Vladimir PRIFTI, regjia Irdit KASO, paraqitur nga shtëpia kinematografike “EuroFilm”. 
3. “Një histori dashurie”, skenari dhe regjia Ylljet ALIÇKA, paraqitur nga shtëpia kinematografike “Kinostudio Dardan”. 

II. T’i propozojë Kryetarit të Qendrës Kombëtare të Kinematografisë financimin e projekteve kinematografike për filma dokumentarë si më poshtë:

1. “Dritë”, skenari dhe regjia Yllka GJOLLESHA, paraqitur nga shtëpia kinematografike “A. Daja”. 
2. “Kërcim mbi re”, skenari Naomi UMAN, Iris ELEZI, regjia Naomi UMAN, paraqitur nga shtëpia kinematografike “I’s Continuum”. 
3. “Ngjarje pa lëvizje (Teatri në Flakë)”, skenari dhe regjia Ervin ÇOBA, paraqitur nga shtëpia kinematografike “ALBASKY Film”. 
4. “Koha e pelikulës”, skenari Natasha LAKO, Mevlan SHANAJ dhe regjia Mevlan SHANAJ, paraqitur nga shtëpia kinematografike “Zig-Zag”. 
5. “Oxhaqe të shuara”, skenari Enver KUSHI, regjia Donika MUÇI, paraqitur nga shtëpia kinematografike “Action Production”. 
6. “Saga e Dinejve”, skenari Luan RAMA, Enver KUSHI, regjia Kujtim GJONAJ, paraqitur nga shtëpia kinematografike “Bota Shqiptare”. 

III. T’i propozojë Kryetarit të Qendrës Kombëtare të Kinematografisë financimin e projekteve kinematografike për filma të animuar si më poshtë:

1. “Kaini”, skenari dhe regjia Shaqir VESELI, paraqitur nga shtëpia kinematografike “Pika Pro”. 
2. “Ritual në errësirë”, skenari dhe regjia Elton VOGLI, paraqitur nga shtëpia kinematografike “Creative Box”. 
3. “Bonboni Pelivoni”, skenari Arben SHAKA, regjia Rikarda NOVA, paraqitur nga shtëpia kinematografike “Cinemania”. 
4. “Një histori”, skenari Eridon PASHAJ, regjia Albana SHOSHI, paraqitur nga shtëpia kinematografike “Projekt SXHJ”.

MINORITY CO-PRODUCTIONS

02/12/2015
Aplikimi i skemes se financimit te quajtur MINORITY CO-PRODUCTIONS ka deshmuar avantazhin qe sjell kjo skeme financimi ne promocionin e kinematografise dhe vete vendeve te cilat e aplikojne.
Qendra e Kinematografise se Kosoves e ka aplikuar skemen e financimeve minoritare per disa filma Shqiptare.
Filmat Shqiptare BOTA me regji te Iris Elezit dhe Thomas Logorecit, ENGJEJT JANE LARG me regji nga Gjergj Xhuvani, KROM me regji nga Bujar Alimani, jane financuar nga Qendra Kinematografike e Kosoves nepermjet skemes Minority Co-productions. Kineastet Shqiptare dhe QKK e Shqiperise i eshte mirenjohese QKK-se se Kosoves dhe Bordit te saj per kete kontribut te rendesishem. Nga ana tjeter QKK Kosova nepermjet kesaj mbeshtetjeje ka qene pjese e suksesit te ketyre filmave ne festivalet ku ata kane marre pjese dhe jane vleresuar me cmime te rendesishme nderkombetare. 
Ne vitin 2015 edhe QKK e Shqiperise aplikoi per here te pare skemen e mbeshtetjes per Minority Co-productions duke financuar projektin Kosovar MARTESA me regji nga Blerta Zeqiri.
Blerta Zeqiri eshte kishte fituar me pare vleresimin si regjisorja me e mire ne SUNDANCE FILM FESTIVAL si regjisorja me e mire per filmin e shkurter KTHIMI.

Filmi me i ri shqiptar BOTA, do te vazhdoj te shfaqet ne Kinema Millenium edhe kete jave

28/11/2015

Filmi me i ri shqiptar BOTA, do te vazhdoj te shfaqet ne Kinema Millenium edhe kete jave, 
gjithmone ne oren 17:00, deri ne Date 3 Dhjetor.

Filmi BOTA, me skenar dhe regji nga Iris Elezi dhe Thomas Logoreci, prodhuar nga EraFilm,
eshte vleresuar me kater çmime nderkombetare ne keto kater muaj qe qarkullon neper festivale.

Ky bashkeprodhim i suksesshem i QKK Shqiperi, QKK Kosove, MiBACT – Ministria e Kultures Italiane,

dhe Eurimages, eshte pritur me dashamiresi nga publiku dhe kritika shqiptare e ajo nderkombetare.

Mos e humbisni kete prodhim shqiptar, sa te rendesishem aq edhe te bukur.

Ekipi i filmit BOTA ju mirepret!

Mbaruan xhirimet e filmit HIJE

28/11/2015
“HIJE”
Last Ciak

Fjalet sdo jene asnjehere te mjaftueshme per te shprehur vlersimin tim per te gjithe personat qe besuan dhe realizuan kete projekt.

Filmi HIJE eshte financuar me skemen e filmit Indipendent

Qendra Kombetare e Kinematografise ne Klik Ekspo Klik

25/11/2015
Në datat 21 – 25 Nëntor 2015, Media Desk Albania ndodhet në Panairin Klik Ekspo Klik, në stendën e Qendrës Kombëtare të Kinematogrfisë.

Ministria e Kulturës do të jetë pjesëmarrëse në Panairin Klik Ekspo Group 2015, duke prezantuar për publikun e gjerë aktivitetet më të rëndësishme të institucioneve të kulturës dhe trashëgimisë në vend. Konceptuar si një platformë jo vetëm prezantuese, por edhe debati e diskutimi në këtë hapësirë ekspozimi dhe prezantimi. Pjesëmarrës do të jenë të gjithë instiucionet e kulturës në vend, si dhe artistë, autorë, përkthyes, kineastë, ekspertë të trashëgimisë, të cilët do të kenë mundësinë të afrojnë komunikimin me publikun përmes veprave të tyre.

Femijet duke ndjekur filmat e animuar shqiptare

Kjo platformë kulturore do ti prezantohet publikut në një formë atraktive, me shfaqje, performanca LIVE, ekspozita, lexime, diskutime, konkurse të ndryshme. Falë bashkëpunimit dhe angazhimit të gjithë punonjësve dhe specialistëve të sistemit të artit, kulturës dhe trashëgimisë, artistëve të pavarur dhe komunitetit artistik, në kohë rekord brenda dy viteve me shumë punë, përkushtim dhe një menaxhim më të mirë po punojmë për gjallërimin e skenës, realizimin e hapësirës pa kufi të kulturës e artit.
Ministrja e Kultures Mirela Kumbaro ne pranine e femijeve ne stendin e QKK


Nëse jeni të interesuar të dini më shumë për mundësitë që ofron Nën Programi Media i Evropës Krijuese, mund të na vizitoni në këto ditë. Ekipi i Media Desk Albania do të jetë tërësisht në dispozicioin tuaj për t`ju shpjeguar pafundësinë e mënyrave të mbështetjes financiare që ofron programi më i madh i BE –së për Kulturën dhe Audiovizionin në mbarë Evropën.


Shqipëria është tashme anëtare me të drejta të plota e këtij programi, që do të thotë se të gjithë të interesuarit e sektorit audioviziv që duan të aplikojnë për financim në këtë program trajtohen njësoj si homologët e tyre dhe nuk kanë asnjë kufizim nga kolegët evropainë.


Jane te ftuar te gjithe shtepite filmike, organizatoret e festivaleve dhe aktiviteteve te tjera kinematografike te sjellin trailer, tiser, spotet televizive, kataloge festivalesh, botime kinematografike dhe materialet e tjera promovuese te aktiviteteve te tyre ne stenden e e Qendres Kombetare te Kinematografise ne Klik Ekspo Klik prane Pallatit te Kongreseve.