Category: Film fund

The Albanian National Center of Cinematography (ANCC) was created in 1997.
The ANCC is the only governmental national institution that
finances, encourages and promotes Albania’s film production.

VE N D I M, datë 13.10.2015

13/10/2015
VE N D I M, datë 13.10.2015
Në zbatim të nenit 9, paragrafi i parë i ligjit nr. 8096, datë 29.04.1996, “Për Kinematografinë”, i ndryshuar, nenit 6 të Vendimit të Këshillit të Ministrave nr. 602, datë 21.08.2003, “Për miratimin e statutit të Qendrës Kombëtare të Kinematografisë”, përcaktimeve të bëra në Rregulloren e Qendrës Kombëtare të Kinematografisë, 

Këshilli Miratues i Projekteve, i përbërë nga zotërinjtë:
• Z. Dritan HUQI, Kryetar
• Z. Artur DAUTI, Anëtar
• Z. Dionis PAPADHIMITRI, Anëtar
• Z. Fatos BAXHAKU, Anëtar
• Z. Ndriçim XHEPA, Anëtar
• Z. Stefan ÇAPALIKU, Anëtar

u mblodhën sot, më datë 13.10.2015, për të shqyrtuar këtë rend dite:
– Projektet kinematografike për filma artistikë të metrazhit të gjatë-Vepër e Parë,
– Kërkesën e shtëpisë kinematografike “Era Film” sh.p.k., për mbështetje financiare për filmin “Bota”, përfaqësues i Shqipërisë në garën e filmit më të mirë në gjuhë të huaj- 2016.
Komisioni i Shqyrtimit Paraprak të Projekteve, ka kualifikuar për konkurim këto projekte:
1. “Shtatë ditë”, skenari Genc Përmeti, regjia Erion Bubullima Genc Përmeti, paraqitur nga shtëpia kinematografike “Ska-Ndal”.
2. “Shtëpia e Portokalleve”, skenari dhe regjia Irvin Muçaj, paraqitur nga shtëpia kinematografike “Bota Shqiptare”.
3. “Tre luanë në Venecia”, skenari dhe regjia Jonid Jorgji, paraqitur nga shtëpia kinematografike “Kinostudio Dardan ”.
4. “Burri i shtëpisë”, skenari dhe regjia Andamion Murataj, paraqitur nga shtëpia kinematografike “Lissus Media”.
5. “Makthi”, skenari dhe regjia Xhovalin Delia, paraqitur nga shtëpia kinematografike “Delifixart ”.
6. “Pacienti”, skenari Arben Shaka dhe regjia Lulzim Sula, paraqitur nga shtëpia kinematografike “Teatër Tv Studio”.
7. “Cirku fluturues”, skenari dhe regjia Fatos Berisha, paraqitur nga shtëpia kinematografike “B2 Agency”.
8. “Legjenda e bastunit”, skenari Mihal Rama, Xhosli Rama, regjia Xhosli Rama, paraqitur nga shtëpia kinematografike Erë Film”
Këshilli i Miratimit të Projekteve procedoi me shqyrtimin dhe vlerësimin e projekteve. Bazuar në vlerësimin artistik të projekteve, si dhe në ekspertizën e Komisionit Financiar, Këshilli i Miratimit të Projekteve
V E N D O S I:
I. T’i propozojë Kryetarit të Qendrës Kombëtare të Kinematografisë financimin e prodhimit të këtyre projekteve kinematografike:
1. “Legjenda e bastunit”, skenari Mihal Rama, Xhosli Rama, regjia Xhosli Rama, paraqitur nga shtëpia kinematografike Erë Film”.
2. “Cirku fluturues”, skenari dhe regjia Fatos Berisha, paraqitur nga shtëpia kinematografike “B2 Agency”.
3. “Burri i shtëpisë”, skenari dhe regjia Andamion Murataj, paraqitur nga shtëpia kinematografike “Lissus Media”.
4. “Shtatë ditë”, skenari Genc Përmeti, regjia Erion Bubullima Genc Përmeti, paraqitur nga shtëpia kinematografike “Ska-Ndal”.
II. T’i propozojë Kryetarit të Qendrës Kombëtare të Kinematografisë financimin për zhvillimin e projektit kinematografik:
1. “Tre luanë në Venecia”, skenari dhe regjia Jonid Jorgji, paraqitur nga shtëpia kinematografike “Kinostudio Dardan”.
III. T’i propozojë Kryetarit të Qendrës Kombëtare të Kinematografisë financimin e promocionit të filmit artistik me metrazh të gjatë “Bota”, në konkurimin për filmin më të mirë në gjuhë të huaj- OSCAR 2016, nga European Film Promotion- EFP, në të cilën Qendra Kombëtare e Kinematografisë është anëtare.
06/10/2015

Rikujtesë e fundit, për të gjithë ata që ende nuk kanë dërguar konfirmimin për pjesmarrjë në : Sesion informimi për thirjen për propozime nga programi Media i Evropës Krijuese – “ Zhvillimi i Projekteve kinematografike dhe audiovizulae individuale”

Creative Europe Media Desk Albania “Zyra ndihmëse e nën programit Media” e programi të BE –së “Evropa Krijuese 2014 – 2020” e cila në Shqipëri admnistrohet nga Qendra Kombëtare e Kinematografisë, njofton të gjithë të interesuarit e sektorit kinematografik dhe atij audiovizual se

në datën 7 Tetor 2015
ora 10 : 00 AM
në ambjentet e Kryeministrisë në Qendrën për Hapje dhe Dialog “ COD – Center For Openness and Dialogue). Bulevardi Dëshmorët e Kombit – Kryeministria,

do të mbahet një sesion informimi në lidhje me thirrjen për propozime të sipërcituar. Për rrjedhojë, kjo zyrë fton të gjithe aplikantët e interesuar për këtë thirrje që të dërgojnë në adresën e poshtëshënuar:

emrin e institucionit pjesëmarrës ( shtëpi filmike, shtëpi distribucioni, ent televiziv, platformë dixhitale, apo edhe individë producentë,etj… )

emrin dhe mbiemrin e personit që do të marrë pjesë në këtë sesion informimi si dhe e-mail dhe numrin e tij të telefonit

Data përfundimtare e dërgimit të informacionit të mësipërm për të marrë pjesë në këtë seancë informimi është sot 5 Tetor 2015 ora 24 : 00. Ju lutem konfirmoni me e-mail informacionin e mësipërm në adresën :

mediadeskalbania@gmail.com
dhe / ose: arben.papadhopulli@gmail.com
dhe / ose : Info@qkk.al

Sesioni do të hapet nga Z. Ilir Butka, Drejtor i Qendres Kombëtar të Konematografisë. Me pas Z. Arben Papadhopulli, ekspert i Programit Media të Evropës Krijuese do të bëjë të gjitha shpjegimet e duhura në lidhje me mënyrën e aplikimit në këtë thirje për propozime.

Duke falenderuar të gjithë Ju për pjesmarrjen tuaj, si dhe Qendrën për Hapje dhe Dialog pranë Kryeministrisë për ofrimin e faciliteteve të saj me qëllim mbajtien e kësaj seance informimi.

Me respekt

Creative Europe Media Desk Albania

Rr. Aleksander Moisi. Nr.77

Tirana.Albania

E : mediadeskalbania@gmail.com

Web: :Creative Europe Media Sub Programme 2014 – 2020

Web: Creative Europe Media Desk Albania

03/10/2015
Thirje për regjistrim në databazën e Media Desk Albania.

Të nderuar përfaqësues të sektorit Kinematografik dhe atij Audiovisual : media aduiovizuale.

Siç jeni në dijeni, Media Desk Albania që administron nga pikpamja teknike komponentin Media të Programit të BE – së Evropa Krijuese, është totalisht në dispozicionin tuaj për çdo thirje për propozime, duke organizuar sesione informimi si dhe duke Ju mbështetur hap pas hapi në mënyrë indviduale secilin prej Jush, në hartimin e dosjeve tuaja të propozimeve. Njëkohësisht, duke qenë në kontakt me homologët evropianë, si dhe sektorin kinematografik dhe atë audiovisual evropian, Media Desk Albania, publikon herë pas here, njoftime të ndryshme që ata dërgojnë dhe që lidhen me bashkëpriodhime filmike, pjesmarrje në festivale, kërkesa distributorësh, kurse formimi profesionale në fushën e kinemasë dhe audiovizionit etj..
Për këtë arsye, në mënyrë që të jeni të informuar për çdo gjë që ndodh : qoftë për thirjet për propozime dhe sesionet e informimit, ashtu dhe për informacione të tjera, Ju lutemi dërgoni sa më parë në adresën e mëposhtëme këto të dhëna :

– Enti : Shtëpi Filmike. Biznes Distribucioni audiovisual. Festival Filmi. Rrjet Kinemashë. Televizion. Platformë Dixhitale, Organizatë apo biznes që operon në prodhimin, shitjen dhe blerjen e produkteve audiovizuale : “film me metrazh të gjatë, dokumentarë faktikë apo historikë, film i animuar, serial TV etj..”. Kompani biznesi e mirëfilltë qv në aktivitetin e saj ka edhe shitjen, blerjen apo shpërndarjen e produketeve audiovizuale dhe kinematografikenë në të gjitha format e tregut. Universitet, Akademi apo Shkollë Profesionale, qw organizon shkollim apo kurse formimi në sektorin audiovisual.
– Emri i personit të kontaktit dhe funksioni i tij
– Adresa e mail dhe telefoni i përsonit të kontaktit.

Këto të dhëna Ju lutemi t`i dërgoni në adresën : mediadeskalbania@gmail.com

Faleminderit për bashkëpunimin

Ekipi i Creaive Europe Media Desk Albania