Category: Njoftime

Qendra Kombëtare e Kinematografisë e Shqipërisë së bashku me Qendrën Kinematografike të Kosovës, si çdo vit, përfaqësohen me një pavion të përbashkët, në tregun më të rëndësishëm të filmit në Europë «Marche Du Film», i cili zhvillohet në datat 16–24 Maj 2023, përgjatë edicionit të 76-të të Festivalit të Kanës.

Pavioni i Kosovës dhe Shqipërisë gjendet në Village International Riviera – №134.

Pavioni do të shërbejë për të promovuar prodhimet më të fundit të kinematografisë shqiptare por edhe Shqipërisë si nje vend atraktiv për xhirime. Pavioni është gjithashtu një pikë takimi për producentët shqiptarë që zhvillojnë takime me partnerë të projekteve të tyre gjatë «Marche Du Film».

Regjisori dhe producenti shqiptar Gentian Koçi, i përzgjedhur nga European Film Promotion për programin «Producers on the Move», promovohet nga të përditshmet prestigjioze «Variety» dhe «The Hollywood Reporter».

---

---

---

---

---

---

---

Qendra Kombëtare e Kinematografisë ka financuar pjesëmarrjen e producentit Gentian Koçi në edicionin 2023 të PRODUCERS ON THE MOVE, program i European Film Promotion.

Producentët e përzgjedhur në këtë program, do të jenë pjesë e platformës për network dhe promocion të EFP-së, para dhe gjatë Festivalit të Cannes (16–27 maj 2023).

Lista e plotë e producentëve:

Gentian Koçi (Albania), David Bohun (Austria), Julie Esparbes (Belgium), Vanya Rainova (Bulgaria), Miljenka Čogelja (Croatia), Stelana Kliris (Cyprus), Alice Tabery (Czech Republic), Emile Hertling Péronard (Denmark), Emilia Haukka (Finland), Silvana Santamaria (Germany), Vicky Miha (Greece), Júlia Berkes (Hungary), Kathryn Kennedy (Ireland), Valon Bajgora (Kosovo*), Dominiks Jarmakovičs (Latvia), Erik Glijnis (The Netherlands), Elisa Fernanda Pirir (Norway), Radu Stancu (Romania), Juraj Krasnohorský (Slovak Republic) and Julia Gebauer (Sweden).

Për më shumë informacion mbi programin dhe producentët e përzgjedhur ndiqni linkun e mëposhtëm:
https://www.efp-online.com/en/news/2022/20230503_Producers_on_the_Move.php

Mbrëmë në datë 27 prill, në Kinema Millenium pati premierën dokumentari «Kinema dhe Dashuri – Lamtumirë 35/mm» me regji nga Rigers Plaka, skenar të Rezarta Reçi, prodhuar nga shtëpia kinematografike Production Cinemania. Në premierë ishin të pranishëm kineastë, krijues të ish-Kinostudios si dhe artdashës të kinemasë. Në analizë, mediumi, pelikula dhe ata që krijuan kinemanë shqiptare.

Ky dokumentar është realizuar me financim të Qendrës Kombëtare të Kinematografisë.

---

---

---

---

---

---

---

---

---

---

---

---

---

---

Nisën në Vlorë, aktivitetet e organizuara nga Qendra Kombëtare e Kinematografisë në kuadër të Projektit Circe Plus, financuar me fondet Interreg-IPA CBC Italy-Albania-Montengro, në partneritet me Apulia Film Commission, Filmski centar Crne Gore dhe Regione Molise.

Aktivitetet nisën me Konferencën «Shfrytëzimi i hapësirave publike urbane, për kinema të hapura, në bashkitë e Shqipërisë – si një mënyrë e transformimit të praktikave kulturore» me pjesëmarrjen e përfaqësuesve të QKK, Projektit Circe, projektit «Bashkitë për Europën», Agjencia e Industrisë Kreative dhe përfaqësues të departamenteve të kulturës nga 35 bashki të Shqipërisë.

---

---

---

---

---

---

---

---

---

---

---

---

---

---

---

---

---

---

---

---

---

---

---

---

Organizatorët e Festivalit të II të Filmit Polak «Visua» kanë nderin t’ju ftojnë në hapjen zyrtare të festivalit që do të çelet me filmin «Këngë për Dashurinë» me regji të Tomasz Chabowski, prodhim i vitit 2021.

Ceremonia do të zhvillohet më datë 21 prill 2023, në orën 17:00, pranë Kinema MILLENNIUM.

Qendra Kombëtare e Kinematografisë (QKK) & Qendra Kombëtare e Librit dhe Leximit (QKLL) nënshkruan sot një marrëveshje bashkëpunimi, e cila synon të rikthejë vëmendjen te vlerat më të mira të letërsisë shqipe, si lënda e parë në shkrimin e një skenari.

Marrëveshja u nënshkrua nga z.Eduart Makri, Kryetar i QKK-së dhe znj.Alda Bardhyli, drejtore e QKLL-së në prani të njerëzve të kulturës.

Përmes kësaj marrëveshjeje palët angazhohen ndër të tjera në:
• Palët marrin përsipër të bashkëpunojnë për realizimin e një konkursi për skenarë për filma artistikë të paraqitur nga autorë shkrimtarë. Në funksion të këtij projekti, do të hartohet struktura organizative, e cila do të merret me hartimin e procedurave të nevojshme, të cilat do të miratohen nga Ministria e Kulturës.
• Palët do të organizojnë aktivitete të përbashkëta, si konferenca, promovime libri, premiera filmash me skenarë bazuar në romane dhe novela shqiptare, të cilat do të shoqërohen me analiza me kritikë të fushës, si dhe me pjesëmarrjen e shkollave, për të zhvilluar kulturën e frekuentimit të kinemave.

---

---

---

Qendra Kombëtare e Kinematografisë i shpreh keqardhjen familjarëve, miqve dhe bashkëpunëtorëve për humbjen e regjisorit dhe Artistit të Merituar Kristaq Mitro.

Në karrierën e tij shumë të suksesshme, ai qe autor dhe bashkautor i mbi 17 dokumentarëve dhe filmave artistikë, për të cilët u vlerësua ndër vite me disa çmime në festivalet kombëtare të filmit. Ai është nderuar gjithashtu me medaljen “Naim Frashëri” (1979) dhe mbante titullin “Artist i Merituar“ (1987).

Kristaq Mitro ka qenë disa here anëtar i Komisioneve të Miratimit të Projekteve apo Vizionimit pranë Qendrës Kombëtare të Kinematografisë.

Për imazhet e dashura për shqiptarët në filmat si Apasionata, Duaje emrin tend, Dimri i fundit, Njeriu i mire, Nusja dhe shtetrrethimi, punën si pedagog me disa breza kineastësh të ri, dhe anëtar aktiv i komunitetit të kineastëve, kontributi i tij në kinematografinë shqiptare do të mbetet i paçmuar.

U hap dje në ambjentet e Hotel Tirana International, aktiviteti «Ditët e Filmit Malazez në Shqipëri» organizuar nga Qendra Kombëtare e Kinematografisë dhe Qendra Malazeze e Filmit.

Në konferencën për shtyp, znj.Aleksandra Božović, Drejtoreshë e QMF, dhe Kryetari i QKK, z.Eduart Makri, prezantuan aktivitetin, filmat që do të shfaqen në Tiranë, Gjirokastër, Vlorë dhe Shkodër.

U fol gjithashtu edhe për 2 aktivetetet e ardhshme të përbashkëta, që do të organizohen nga 2 qendrat e Filmit, «Ditët e Filmit Malazez në Shqipëri» dhe Circe Plus.

Morën pjesë përfaqësues të 2 qendrave të filmit, Arkivit Qendror Shetëror të Filmit, z.Marinko Culafic, përaqësues i pakicës malazeze në Komitetin për Pakicat Kombëtare pranë Kryeministrisë dhe antëtarë të komunitetit malazez në Shqipëri. Regjisorë dhe producentë nga Shqipëria dhe Mali i Zi.

Pas konferencës, në ambjentet e Muzeut Historik Kombëtar u shfaq filmi i shkurtër «The Eagle’s Nest» me regji të Milija Šćepanović. Programi vazhdoi me shfaqjen e filmit artistik «After the Winter» me regji të Ivan Bakrač.

Aktiviteti vazhdon sot në Gjirokastër, nesër në Vlorë dhe mbyllet në Shkodër më datë 30 mars.

E martë
28 mars – GJIROKASTËR
Shfaqja e filmave në «Kinemanë e Qytetit», (Qendra Kulturore «Musine Kokalari»)
17:00 MAR regjia Ivan Bakrač 2021 (21 min)
17:25 AFTER THE WINTER regjia Ivan Bakrač 2021 (101 min)

E mërkurë
29 mars – VLORË
Shfaqja e filmave në Kinemanë e Pallatit të Kulturës «Labëria»
17:00 – MY NAME IS ANA regjia Bojan Stijović 2022 (21 min)
17:30 – THE BLACK PIN regjia Ivan Marinović 2016 (93 min)

E enjte
30 mars – SHKODËR
Shfaqja e filmave në «Kinema Millenium»
17:00 – RAINBOW regjia Aleksandar Vujović 2020 (17 min)
17:20 – THE BLACK PIN regjia Ivan Marinović 2016 (93 min)

---

Në kuadër të «Memorandumit të bashkëpunimit» që Qendra Kombëtare e Kinematografisë nënshkroi me Qendrën Malazeze të Filmit, në datat 27-28-29-30 mars 2023 organizohen në Shqipëri «Ditët e Filmit Malazez».

Ky aktivitet do të përfshijë prezantimin për publikun shqiptar të prodhimeve të suksesshme kinematografike, të viteve 2020-2022 nga autorë malazezë. Një nga objektivat e këtij aktiviteti është edhe nxitja e dialogut ndërmjet profesionistëve të dy shteteve por edhe përballja e publikut me kulturën e prezantuar në filmat e autorëve fqinj.

Filmat do të shfaqen në qytetet: Tiranë, Gjirokastër, Vlorë dhe Shkodër.

Aktiviteti do të fillojë në 27 mars, ora 11:30, në Hotel Tirana International, me konferencën me titull: «Film as a tool for intercultural dialogue».

Marrin pjesë:
• Përfaqësues nga Qendra Malazeze e Filmit
• Përfaqësues nga Qendra Kombëtare e Kinematografisë
• Përfaqësues nga Ambasada e Malit të Zi në Tiranë
• Përfaqësues të institucioneve të sektorit krijues shqiptar
• Producentë dhe regjisorë nga Mali Zi
• Producentë dhe regjisorë shqiptarë

Në hapjen e konferencës do jenë të ftuar edhe përfaqësues të medias.

Në Gjirokastër dhe Vlorë, filmat do të shfaqen në kinematë e rihapura me teknikë digjitale, mundësuar me fonde europiane IPA II, të siguara nga QKK nëpërmjet grantit Interreg-IPA CBC, në partneritet me Italinë dhe Malin e Zi.

Filmat që do të shfaqen janë:
– AFTER THE WINTER, regjia Ivan Bakrač, (101 min) Trailer
– THE BLACK PIN, regjia Ivan Marinović, (93 min) Trailer
– THE EAGLE’S NEST, regjia Milija Šćepanović, (18 min) Trailer
– RAINBOW, regjia Aleksandar Vujović, (17 min) Trailer
– MAR, regjia Milorad Milatović, (21 min)
– MY NAME IS ANA, regjia Bojan Stijović, (21 min)

Për më shumë informacion mbi filmat dhe për të shikuar trailerat, ndiqni linqet në titull.

---

---

---

---

---

---