Category: Njoftime

Projekti filmik «Burri i Shtëpisë» me skenar dhe regji të Andamion Murataj, i financuar nga Qendra Kombëtare e Kinematografisë në kategorinë «Film debutues», me producent shtëpinë kinematografike «Lissus Media» dhe bashkëproducent kompaninë italiane «Palomar» është përgjedhur si projekt fitues nga «Croatian Audiovisual Centre» për mbështetje financiare në kategorinë e Bashkëprodhimeve në Minorancë.

Për më tepër vizitoni permalinkun në faqen zyrtare të «Croatian Audiovisual Centre»
https://havc.hr/img/newsletter/files/REZULTATI%20%20koprodukcije%204%20rok%202021.pdf

Me financimin e Qendrës Kombëtare të Kinematografisë, prodhuar nga shtëpia kinematografike “On FILM”, në bashkëpunim me Universitetin e Arteve dhe Ministrinë e Kulturës, në kuadër të marrëveshjes “Pakti për Universitetin”, ditën e mërkurë, më datë 22 Dhjetor, ora 18:00, në Sallën Black Box në Universitetit e Arteve Tiranë, do të shfaqen filmat e studentëve te diplomuar gjatë vitit akademik 2020 – 2021.

Filmi artistik me metrazh të shkurtër «Lajmi» / «The news», regjia Lorin Terezi, financuar nga Qendra Kombëtare e Kinematografisë, është një nga filmat e nominuar në kategorinë Filmi më i Mirë i Shkurtër.

Ndiqni drejtpërdrejtë ceremoninë e ndarjes së çmimeve të Akademisë Evropiane të Filmit – European Film Awards.

Për shkak të pandemisë ceremonia e ndarjes së çmimeve të EFA-s do mbahet online dhe ju mund ta ndiqni në Livestream në https://www.europeanfilmawards.eu/?p=1

Projekti filmik «Burri i Shtëpisë» me skenar dhe regji të Andamion Murataj, i financuar nga Qendra Kombëtare e Kinematografisë në kategorinë «Film debutues», me producent shtëpinë kinematografike «Lissus Media» dhe bashkëproducent kompaninë italiane «Palomar» është ndër projektet fitues të zgjedhur nga Eurimages për mbështetje financiare në kategorinë e Bashkëprodhimeve Ndërkombëtare për vitin 2021.

https://www.coe.int/en/web/eurimages/co-production-funding-in-2021

Filmi artistik me metrazh të shkurtër «Gëzuar Vitin e Ri 1982», me skenar të Sokol & Mjaftore Keraj, regji të Sokol Keraj, financuar nga Qendra Kombëtare e Kinematografisë, bashkëprodhim midis shtëpisë kinematografike “Sofilms” me producente Lorina Pepo, dhe kompanisë filmike rumune «Quick Zipp srl» me producent Cristian Grigore dhe Peter Velciov, do të shfaqet në Kolumbi më datat 8 dhe 9 dhjetor, si pjesë e Bogotá Short Film Festival.

Të nderuar kineastë,

Në vazhdim të konsultimeve të Projektligjit mbi Kinematografinë, siç jeni njoftuar edhe nga Ministria e Kulturës, jeni të lutur të merrni pjesë në takimin e rradhës:

ditën e Enjte më datë 9 Dhjetor 2021, ora 14:00,

te Muzeu Historik Kombëtar, në sallën UNESCO.

Jeni të mirëpritur.

Projekti filmik «Misioni» aka «My mother is a cosmonaut» me regji të Andi Deliananë bashkëpunim me «Centre des Études Spatiales» në Francë (CNES) ku regjisori zhvilloi një takim me drejtorin e CNES (Qendra hapsinore ne Toulouse), do të evokojë disa momente historike në ngjarjet e ekranizuara ku një mision hapsinor shqiptar i gënjeshtërt bëhet shkas për një intrigë midis funksionarësh të regjimit komunist në grahmat e fundit…

Xhirimet do të perfshijnë dhe skena nga CNES (Qendra për kërkime hapsinore) sipas marrevëshjes midis produksionit francez dhe institucionit në fjalë. «Misioni» është një bashkëprodhim i Red Helicopter Films, Qendrës Kombëtare të Kinematografisë, Agjencisë së Filmit të Maqedonisë së Veriut, Dream Factory (Macedonia), Aviva Film (Francë), NYPS (USA) dhe Euroimages.

Të martën me datë 7 – Dhjetor – 2021, në orën 18:00, jeni të ftuar në ceremoninë e ndarjes së çmimeve të edicionit të 12 të festivalit të filmit me metrazh të shkurtër “TIRANA 48ORESHI 2021” që do të zhvillohet në Teatrin e Operas dhe Baletit.

14 nominime për 14 çmime në kategori të ndryshme. Një risi e edicionit do të jetë çmimi i karrierës në homazh të kineastëve më të spikatur dhe me kontributet më të rëndësishme në historinë e kinematografisë shqiptare.

Padurim për ta ndarë së bashku këtë kënaqësi. Robert Aliaj Dragot – Producent

U zhvillua sot në ambientet e QKK një takim pune midis Kryetarit të Qendrës Kombëtare të Kinematografisë, Z.Eduart Makri, Drejtorit Ekzekutiv Z.Arben Lami dhe Z.Arben Papadhopuli me drejtuesin e programit Interreg IPA, Z. Gilles Kittel dhe Z. Giuseppe Di Paola, UESAIR Coordinator.

Ky takim u zhvillua me qëllim bashkëpunimin e Qendrës Kombëtare të Kinematografisë me programin Interreg IPA.

Filmi artistik «Kopeja e Deleve» / «Pack of Sheep» nga Dimitris Kanellopoulos, bashkëprodhim në minorancë me shtëpinë kinematografike «ARTALB FILM PRODUCTIONS» dhe «ARTALB FILM», me producent Gentian Koçi, ka fituar çmimin e publikut FISCHER në International Competition të edicionit të 62-të të festivalit të Selanikut, Thessaloniki International Film Festival.

«Vera andrron detin», me skenar nga Doruntina Basha dhe regji të Kaltrina Krasniqit, fitoi Çmimin Special të Jurisë. Ky film është bashkëprodhim në mes të Kosovës (Puntoria Kreative Isstra, Vera Films), Shqipërisë (Papadhimitri Film Production) Papadhimitri Film Production dhe Maqedonisë së Veriut (Dream Factory) i mbështetur nga Qendra Kinematografike e Kosoves, Agjencia e Filmit e Maqedonisë së Veriut dhe Qendra Kombëtare e Kinematografisë së Shqipërisë.

Filmi «Zgjoi» i regjisores Blerta Basholli ka fituar çmimin Fischer të publikut. Regjia Blerta Basholli, Yllka Gashin në rolin kryesor, producent Yll Uka, Valon Bajgora, Agon Uka dhe me bashkëproducentë, Britta Rindelaub, Kristijan Burovski, Tomi Salkovski, Paskal Semini. Ky film ështe financuar nga Qendra Kombëtare e Kinematografisë në kategorinë Bashkëprodhim në Minorancë.