Zyra e Karrierës pranë Qendrës Kombëtare të Kinematografisë është hapësira ku kineastët e rinj mund të marrin udhëzimin e duhur për hapat e tyre të radhës në këtë industri.
Kjo zyrë është krijuar posaçërisht për t’ju ardhur në ndihmë e orientuar të aplikoni dhe të lidheni me botën profesionale të kinematografisë dhe audiovizualit, brenda dhe jashtë vendit.
Çfarë ofron Zyra e Karrierës?
Zyra e Karrierës shërben si pikë reference dhe këshillimi për:
- Aplikime në shkolla e institucione prestigjioze
Këshillim për zgjedhjen e programeve, përgatitjen e portofolit, letrave të motivimit dhe dokumentacionit aplikues, në universitete kombëtare dhe ndërkombëtare. - Bursa universitare dhe akademike
Informim dhe orientim mbi bursa studimi dhe programe specializimi në fushën e kinematografisë dhe audiovizualit. - Shkëmbime dhe programe mobiliteti
Mbështetje për aplikim në rezidenca artistike, shkolla vere, laboratorë filmi dhe programe mobiliteti në Evropë dhe më gjerë. - Praktika profesionale
Ndihmë për të identifikuar dhe ndjekur praktika në studio produksioni dhe institucione kulturore brenda dhe jashtë Shqipërisë. - Rrjetëzim profesional
Lidhje me rrjetet europiane dhe ndërkombëtare të industrisë audiovizuale, festivale, laboratorë, platforma trajnimi dhe partnerë potencialë.
Qëllimi ynë
Përmes Zyrës së Karrierës, QKK synon të:
• mbështesë talentet e reja që duan të ndërtojnë një karrierë të qëndrueshme në fushën e kinematografisë e audiovizualit,
• orientojë aplikantët lidhur me proceset e aplikimit, dokumentacionit dhe afatet kohore,
• krijojë ura bashkëpunimi me institucionet të rëndësishme të kinemasë dhe audiovizualit.
Si të aplikoni?
Për të marrë këshillim individual ose për të regjistruar interesin tuaj:
➡️ Plotësoni formularin e aplikimit.
➡️ Dërgoni një email në: info@qkk.gov.al
Ekipi i Zyrës së Karrierës do t’ju kontaktojë për hapat e mëtejshëm dhe për të caktuar një takim këshillimi.