OBJEKTIVI
FRAME promovon bashkëpunimin ndërkufitar në sektorin audioviziv të Adriatikut të Jugut përmes veprimeve të integruara, përfshirë krijimin e një fondi trilateral për bashkë-zhvillimin e projekteve filmike, i cili mbështet projekte të përbashkëta nga operatorë italianë, shqiptarë dhe malazezë. Projekti synon të forcojë konkurrueshmërinë e ndërmarrjeve të vogla dhe të mesme (NVM), të nxisë një ekosistem audioviziv të qëndrueshëm dhe rezistent, si dhe të rrisë aftësitë profesionale brenda sektorit.
Shkaroko dokumentin Project Axis 1 – FRAME, English
AKTIVITETET KRYESORE TË PROJEKTIT
FRAME adreson sfidat kryesore të përbashkëta të ndërmarrjeve të vogla dhe të mesme (NVM) audiovizive në Itali, Shqipëri dhe Mal të Zi, siç janë konkurrueshmëria e kufizuar ndërkombëtare, transformimi digjital dhe vështirësitë në aksesin ndaj burimeve financiare. Iniciativa mbështetet në rezultatet dhe rrjetet e bashkëpunimit të zhvilluara përmes projekteve CIRCE dhe CIRCE PLUS, të financuara në kuadër të Programit Interreg IPA CBC Itali–Shqipëri–Mal i Zi 2014–2020, duke përfaqësuar vazhdimin e tyre natyror. FRAME synon të shfrytëzojë potencialin e sektorit të filmit si nxitës i rritjes ekonomike, inovacionit dhe sipërmarrjes në Shqipëri, Mal të Zi, Molise dhe Puglia, duke kontribuar në forcimin e përgjithshëm të industrisë audiovizive rajonale.
Pas një hartëzimi të thelluar të NVM-ve audiovizive që operojnë në zonën e Programit dhe një analize të aktiviteteve të tyre, FRAME do të krijojë Rrjetin e NVM-ve Audiovizive të Adriatikut të Jugut, me qëllim lehtësimin e rrjetëzimit, shkëmbimit të njohurive dhe bashkëpunimit ndërkufitar. Duke u mbështetur në këtë bazë, do të ngrihet Fondi i Bashkë-Zhvillimit Filmik të Adriatikut të Jugut, i cili do të mbështesë të paktën tetë projekte bashkë-zhvillimi, të paraqitura së bashku nga producentë filmikë nga vendet e përfshira të BE-së dhe IPA-s, duke nxitur prodhimin e veprave cilësore të afta për të konkurruar në tregjet ndërkombëtare. Aktivitetet B2B, tregjet e filmit dhe forumet filmike do të mbështesin ndërtimin e partneriteteve dhe fazat e pitching-ut të projekteve.
Projekti parashikon gjithashtu organizimin e një workshop-i udhëtues për shkrimin e skenarit në Shqipëri, Mal të Zi, Molise dhe Puglia, i projektuar për të forcuar aftësitë e skenaristëve të rinj në fillimet e karrierës së tyre. Në një perspektivë afatgjatë, FRAME promovon edhe zhvillimin e sektorit audioviziv në Molise, duke mbështetur krijimin e një Film Commission lokale, të frymëzuar nga modeli i Apulia Film Commission.
Përfituesit përfundimtarë të projektit përfshijnë NVM-të audiovizive, profesionistët e sektorit, komunitetet lokale dhe ekosistemin e gjerë filmik. Në veçanti, NVM-të do të kenë mundësinë të rrisin aftësitë e tyre profesionale, të shtojnë dukshmërinë ndërkombëtare dhe të zgjerojnë aksesin në partneritete transnacionale, duke kontribuar në zhvillimin e një industrie audiovizive më rezistente, më inovative dhe konkurruese në nivel global.
PARTNERËT E PROJEKTIT
Partnerët e projektit janë:
- Fondacioni Apulia Film Commission – Partner Kryesor (Puglia)
- Qendra e Filmit të MALIT Të ZI (Mali i Zi)
- Qendra Kombëtare e Kinematografisë (Shqipëri)
- Fondazione Molise Cultura (Molise)
Partnerët e asociuar janë:
- Rajoni i Pulias – Departamenti i Turizmit, Ekonomisë së Kulturës dhe Zhvillimit Territorial
- Ministria e Kulturës dhe Medias e Malit të Zi
- Rajoni i Molises
KOHËZGJATJA: 01.07.2025 – 31.12.2027
BUXHETI: €865.090,06
KONTRIBUTI BE: €712.055,95
Website zyrtar i projektit: https://www.italy-albania-montenegro.eu/programme/south-adriatic-2021-27
PROGRAMME SOCIAL MEDIA CHANNELS:
FACEBOOK: https://www.facebook.com/interregipasouthadriatic
INSTAGRAM: https://www.instagram.com/interregipasouthadriatic/
LINKEDIN: https://www.linkedin.com/company/interreg-ipa-south adriatic/posts/?feedView=all
Për më shumë informacion:
- Rina Plaku – Executive Director – Albanian National Center of Cinematography: rina.plaku@qkk.gov.al