Producenti/Shtëpia kinematografike duhet të ketë kryer procedurën e regjistrimit, kur fillon marrëdhëniet financiare me QKK.
Producenti dhe distributori regjistrohen në QKK çdo vit kalendarik.
Regjistrimi vjetor realizohet nëpërmjet platformës E-Albania.
Tarifat & faturat për regjistrimin vjetor gjenden këtu.
• Producentët që regjistrohen për herë të parë për ushtrimin e aktivitetit të tyre,
duhet të ngarkojnë në platformën E-Albania këto dokumente:
a Faturën për kryerjen e pagesës së tarifës së regjistrimit në QKK;
b Letërnjoftimin ose pasaportën e administratorit;
c Jetëshkrimin e kërkuesit;
d Diplomë në fushat e kinematografisë, audiovizualit ose shkencave ekonomike e financiare;
e Të paktën dy letra rekomandimi nga producentë me përvojë;
f Të paktën dy kontrata pune në cilësinë e asistentit të produksionit.
g Ekstrakt historik nga QKB.
• Distributorët që regjistrohen për herë të parë për ushtrimin e aktivitetit të tyre,
duhet të ngarkojnë në platformën E-Albania këto dokumente:
a Faturën për kryerjen e pagesës së tarifës së regjistrimit në QKK;
b Letërnjoftimin ose pasaportën e administratorit;
c Diplomë të arsimit të lartë;
d Jetëshkrimin e kërkuesit;
e Ekstrakt historik në QKB;
f Fotokopje të liçencës së AMA për difuzorët.
• Sallat e shfaqjes publike (kinematë) që regjistrohen për herë të parë për ushtrimin e aktivitetit të tyre,
duhet të ngarkojnë në platformën E-Albania këto dokumente:
a Faturën për kryerjen e pagesës së tarifës së regjistrimit në QKK;
b Letërnjoftimin ose pasaportën e administratorit;
c Jetëshkrimin e kërkuesit;
d Diplomë të arsimit të lartë;
e Ekstrakt historik nga QKB.
Producentët, distributorët/difuzorët dhe sallat e shfaqjes publike (kinematë) që regjistrohen periodikisht për ushtrimin e aktivitetit të tyre,
ngarkojnë në platformën e-albania:
a Faturën për kryerjen e pagesës së tarifës së regjistrimit periodik në QKK;
b Letërnjoftimin ose pasaportën e administratorit.
Shënim
Nëpunësi që administron sistemet AMS dhe SQDNE verifikon në sistem edhe ekstraktin e subjektit mbi objektin e aktivitetit të subjektit aplikues.
Regjistrimi vjetor kryhet në platformën E-Albania, në varësi të llojit të shërbimit që kërkohet të ofrohet.
Pas paraqitjes së dokumentacionit të nevojshëm, QKK pajis producentët, distributorët, difuzorët dhe sallat e shfaqjes publike (kinematë) me lejen përkatëse sipas objektit të veprimtarisë.
QKK mund të refuzojë lejen në rast mungese apo pasaktësie të dokumentacionit të aplikantit.