Sot, më datë 16 maj 2026, në Kanë të Francës, u nënshkrua marrëveshjea e parë të bashkëprodhimeve kinematografike mes Shqipërisë dhe Francës. Ky përbën një moment i rëndësishëm që forcon bashkëpunimin kulturor dhe hap një kapitull të ri për kinemanë shqiptare në arenën ndërkombëtare. U zhvillua një takim i ngrohtë dhe shumë produktiv me Ministren e Kulturës së Francës, znj. Catherine Pégard, ku u diskutua për reformën në sektorin e kinematografisë, shkëmbimet ndërkulturore, ekspozitat dhe projektet e përbashkëta që po afrojnë edhe më shumë vendet tona. Kjo marrëveshje mes CNC-së franceze dhe Qendrës Kombëtare të Kinematografisë shqiptare krijon mundësi të reja për artistët dhe producentët shqiptarë, duke i dhënë kinemasë sonë akses më të madh në tregun europian dhe bashkëprodhimet ndërkombëtare. Falenderim për të gjithë ata që kontribuan në këtë arritje të rëndësishme.
Çfarë do të thotë kjo për kineastët tanë?
Status i Dyfishtë: Veprat e përbashkëta fitojnë statusin e “filmit kombëtar” në të dyja vendet. Kjo përkthehet në akses të drejtpërdrejtë në fondet franceze njëkohësisht me ato shqiptare, pa procedura shtesë!
Përfitime Automatike: Çdo film i bashkëprodhuar gëzon të njëjtat avantazhe ligjore dhe fiskale njësoj si veprat kombëtare të secilit vend.
Fleksibilitet Financiar: Pragu minimal i kontributit mund të ulet deri në 10% të buxhetit total. Kjo i hap rrugë produksioneve shqiptare të bëhen pjesë e projekteve me buxhete asimetrike, pa cenuar pozicionin tonë negociues.
Vizibilitet Ndërkombëtar: Çdo film do të promovohet zyrtarisht si “bashkëprodhim franko-shqiptar” ose “shqiptaro-francez”. Kjo jo vetëm rrit shikueshmërinë, por konsolidon imazhin e Shqipërisë si një partner i besueshëm për produksionet europiane.
Një bazë e shëndoshë për bashkëpunime afatgjata dhe një epokë e re për filmin shqiptar sapo ka nisur!
