Qendra Kombëtare e Kinematografisë, informon produksionet kinematografike shqiptare të cilat kanë interes për të paraqitur filmin artistik të prodhuar gjatë viteve 2021-2022 për t’u vleresuar nga Komisioni Përzgjedhes si kandidatura e Shqipërisë në kategorinë «International Feature Film Award», edicioni i 95-të, OSCARS.
Edicioni IV i “Golden Frame” u zhvillua në Shkup nga data 9-12 qershor 2022. Organizatorët e këtij eventi ishin Agjencia e Filmit të Maqedonisë së Veriut dhe Macedonian Film Professional Association.
Në këtë aktivitet morën pjesë drejtuesit e institucioneve financues të filmit: Maqedonia e Veriut, Serbia, Bullgaria, Greqia, Shqipëria, Kosova, Kroacia, Sllovenia, Mali i Zi, Qipro, dhe përfaqësues nga Turqia dhe Qendra Kombëtare e Kinematografisë Franceze.
Organizatorët zhvilluan një seksion të industrisë së filmit si dhe një Panel diskutimi me temë: Standardizimi i buxheteve kombëtare të filmit dhe reflektimet për përmirësimin dhe ndryshimin e Ligjit për industrinë e filmit në Maqedoninë e Veriut.
Organizatorët zhvilluan një seksion të industrisë së filmit si dhe një Panel diskutimi me temë: Standardizimi i buxheteve kombëtare të filmit dhe reflektimet për përmirësimin dhe ndryshimin e Ligjit për industrinë e filmit në Maqedoninë e Veriut. Jashtë diskutimeve, pati takime zyrtare dhe bisedime midis përfaqësuesve të të gjitha qendrave të filmit në rajon, mbi vazhdimin e punës për krijimin e Fondit Rajonal Ballkanik të Filmit, në partneritet me Italinë.
Rezultatet e konkurimeve për projekte kinematografike për festivale dhe javë filmi
Boost the impact of your films with artificial intelligence 2022 – 2nd Cohort
APPLY HERE
https://largo.ai/application-form
DEADLINE
June 15, 2022
Regjisori Vladimir Prifti festoi 80-vjetorin e lindjes në një ceremoni ku morën pjesë artistë, kolegë bashkëpunorë dhe të afër të tij.
Gjatë kësaj ceremonie Qendra Kombëtare e Kinematografisë i shprehu mirënjohjen dhe vlerësimin për kontributin e tij në kinematografi.
Z. Vladimir Prifti ka një karrierë mbi 40-vjeçare në kinematografi si: regjisor, skenarist dhe producent.
• “Gjenerali i ushtrisë së vdekur” (1976); skenari Piro Mani dhe Qenan Toro
• “Udha e shkronjave” (1978); skenari Peçi Dado, Vladimir Prifti
• “Kur hidheshin themelet” (1978); skenari Kolë Jakova
• “Era e ngrohtë e thellësive” (1982); skenari Naum Prifti
• “Kush vdes në këmbë” (1985); skenari Naum Prifti, Vladimir Prifti
• “Dhe vjen një ditë” (1987) skenari Teodor Laço, Vladimir Prifti
• “Flutura në kabinën time” (1988) Skenari Teodor Laço, Vladimir Prifti
• “Dasma e Sakos” (1998); skenari Vath Koreshi.
• “Të bekuarit” (2000);
• “Butrinti” (2002);
• “Legjenda e Baltës” (2003);
• Skedë nga një qytetërim i hershëm, dokumentar 2003
• “Rruga Egnatia” (2005).
• “Skënderbeu” dokumentar 2012
Filma me metrazh te shkurter
• Keno, regjia Ergys Peqini, Eurofilm, 2015
• Ardhur nga ëndrrat, regjia Klajd Papadhimitri, Eurofilm, 2017
• Rrëfimi i një vrasësi me pagesë, regjia Klajd Papadhimitri, Eurofilm, 2019
Filmi artistik «Virgjëresha Shqiptare» regjia Bujar Alimani, një bashkëprodhim midis Shqipërisë, Gjermanisë, Kosovës dhe Belgjikës, do të shfaqet në festivalin e filmit «Blue Mountain Film Festival» në Toronto të Kanadasë, më 3 dhe 4 Qershor 2022.
Kjo shfaqje është premierë në Amerikën e Veriut.
Filmi artistik me metrazh të shkurtër «Kadillak dhe Manaferra», skenari Bujar Alimani, regjia Suela Bako, producente Tefta Bejko dhe 90 Production, është përzgjedhur në konkurim zyrtar në festivalin e filmit «Bali International Short Film Festival», për në Shtator 2022.
Ky film është financuar nga Qendra Kombëtare e Kinematografisë.
Takime pune në Pavionin e Qendrës Kombëtare të Kinematografisë në Marketin e Filmit në Cannes 2022.
Përfundojnë bisedimet në Cannes 2022 për arritjen e marrëveshjes së krijimit të fondit të përbashkët ballkanik për kinematografinë
Gjatë marketit te filmit në Cannes 2022, u zhvillua një takim midis Kryetarit të Qendrës Kombëtare të Kinematografisë, Z.Eduart Makri, Z.Roberto Stabile, si perfaqësues i Ministrisë së Kulturës së Italisë dhe drejtuesve të tjerë të qendrave kinematografike të rajonit të Ballkanit, të Sllovenisë, Malit të Zi, Maqedonisë së Veriut, Serbisë, Kroacisë, Kosovës, Bullgarisë, si dhe Bosnje dhe Hercegovinës.
Ky takim u zhvillua në kuadër të bisedimeve për të krijuar një fond të përbashkët ballkanik, i cili do të mbështesë financiarisht projektet filmike të vendeve anëtare. Partner i këtij fondi është edhe Ministria e Kulturës së Italisë.
Të gjitha shtetet konfirmuan pjesëmarrjen dhe vendosën që të punojnë për hartimin e një marrëveshje të përbashkët.
Fotografi
Video
Gjatë marketit të filmit në Cannes 2022, u nënshkrua një marrëveshje bashkëpunimi midis dy institucioneve kinematografike, Qendrës Kombëtare të Kinematografisë (QKK) dhe Centre National du Cinéma et de l’Image Animée (CNC).
Marrëveshja u nënshkrua ndërmjet Kryetarit të QKK, Z.Eduart Makri, dhe Z.Olivier Henrard.
