Me financimin e Qendrës Kombëtare të Kinematografisë në kategorinë Minority Coproduction filloi xhirimet filmi artistik me metrazh të gjatë «I love you more», skenari dhe regjia Erblin Nushi, bashkëprodhim ndërmjet shtëpisë filmike kosovare «Tilia Entertainment», producent Erblin Nushi dhe shtëpisë kinematografike shqiptare «Action Production» sh.p.k, producente Gerta Qurku.

Qendra Kombëtare e Kinematografisë lajmëron Kryetarët e Shoqatave të Kineasteve se do të nisë procesi i krijimit të Këshillave të Miratimit të Projekteve me mandat ligjor 2021-2023. Ftohen Kryetarët e Shoqatave të Kineastëve në takim konsultativ në ambientet e QKK, më datë 14 Qershor 2021, ora 11:00, me objekt:
1. Diskutimi dhe përcaktimi i kritereve të kandidatëve për anëtare të KMP­-ve;
2. Diskutimi dhe përcaktimi i termit “Kineast”, që do të përcaktojë atë pjesë të komunitetit që do të kenë të drejtë për t’u regjistruar dhe certifikuar nga QKK, për të votuar dhe zgjedhur KMP-të.

Filmi «Dy luanë drejt Venecias», regjia dhe skenari Jonid Jorgji, financuar nga Qendra Kombëtare e Kinematografisë, do të ketë premierën në datën 7 qershor tek Amfiteatri i Liqenit dhe do të vazhdojë të shfaqet për publikun nga data 8-12 Qershor.

Një produksion i Shtëpisë Kinematografike “EJF Production” me producente Elkjana Gjipali, bashkëprodhim me “Blue Hills Pictures”, Saimir Bajo, Petros Antoniadis, David Tozer.

Me aktorët Vasjan Lami, Alissa Huzar, Natalia De Maria, Kastriot Caushi, Alessia Xhemalaj, Luan Aliu, Marjana Kondi, Alessandra Bonarota, Luli Hoxha, Mand Xhuli, Albana Kocaj, Arjeta Dhima.

Trailerin mund t’a shikoni në këtë adresë :
https://www.facebook.com/AlbanianFilmCenter/posts/1904075999766474

Lorin Terezi është një nga tetë projektet fitues të First Films First për vitin 2021.

«Pasojat e lirisë» është përzgjedhur midis 87 projekteve konkurrues nga vendet e Evropës.

I urojmë autorit dhe ekipit te filmit te ardhshem suksese në rrugëtimin e tij.

http://firstfilmsfirst.com/announcing-the-6th-generation-of-goethe-instituts-first-films-first/

Me financimin e Qendrës Kombëtare të Kinematografisë, filloi xhirimet filmi i animuar «Burri», me regji të Artur Dautit, prodhim i Shtëpisë Kinematografike «Bunker Film», me producent Eno Milkani, dhe kamera Adi Grishaj.

Në role kryesore Meri Dishnica dhe Ergys Faja. Grimi Pranvera Metolli.

Një film me teknikë të kombinuar me xhirime dhe animacion.

Me financimin e Qendrës Kombëtare të Kinematografisë kanë filluar xhirimet e filmit dokumentar me titull “Porto Palarmo – ku mbijetoi populli i Dantes”, me regji të Dionis Papadhimitrit, prodhim i Shtëpisë Kinematografike “Teart Production p.f.”, dhe producent Herta Basha.

Me financimin e Qendrës Kombëtare të Kinematografisë, sot më datë 20 Maj filloi xhirimet filmi artistik me metrazh të gjatë kategoria Vepër e Parë, me titull «Legjenda e Bastunit», regjia Xhosli Rama, prodhim i Shtëpisë Kinematografike «ERE FILM», producent Mihal Rama.

Qendra Kombëtare e Kinematografisë njofton se më datë 17 maj 2021 në Këshillin e Evropës është nënshkruar «Konventa për Bashkëprodhimet Kinematografike».

Ambasadorja shqiptare pranë Këshillit të Evropës, Znj. Albana Dautllari, nënshkroi me zv.Sekretarin e Përgjithshëm të KiE, z. Bjorn Berge, «Konventën e Këshillit të Evropës për Bashkëprodhimin Kinematografik (e rishikuar)», e cila hyn në fuqi pasi të ratifikohet nga vendi ynë.

Konventa ishte hapur për nënshkrim nga shtetet anëtare dhe shtetet e tjera palë në Konventën Kulturore Evropiane dhe për aderim nga shtetet e tjera jo-anëtare dhe Bashkimi Evropian, në Roterdam me 30 janar 2017. Vendi ynë është vendi i 35-të që ka nënshkruar Konventën.

Qëllimi i Konventës së rishikuar është të sigurojë një bazë ligjore dhe financiare për bashkëprodhimin e filmave me metrazh të gjatë që përfshijnë kompani prodhimi të krijuara në tre ose më shumë shtete palë. Konventa e rishikuar mund të përdoret gjithashtu si një bazë ligjore dypalëshe në mungesë të një traktati specifik të bashkëprodhimit midis dy palëve.

Pjesëmarrja e një ose më shumë bashkë-prodhuesve, të cilët nuk janë palë është e mundur, me kusht që kontributi i tyre i përgjithshëm të mos kalojë 30% të kostos totale të prodhimit.

Gjithashtu, vepra e bashkë prodhuar duhet të përmbushë përkufizimin e një vepre kinematografike zyrtarisht të bashkëprodhuar të paraqitur në Shtojcën II të Konventës. Kjo Konventë sjell të përditësuara dispozitat e Konventës Evropiane të 1992 për Bashkëprodhimin Kinematografik (ETS Nr. 147), konventë që është ratifikuar nga vendi ynë që më 9 shtator 2009.

Council of Europe Convention on Cinematographic Co-production (revised)

Këshilli i Miratimit të Projekteve, në mbledhjen e datës 12 Maj 2021, miratoi projektin “Filmat Temë diplome e studentëve Diplomantë Bachelor të Universitetit të Arteve, Tiranë-2021”, paraqitur nga shtepia kinematografike “On Film Production” sh.p.k.