Category: Qendra Kombëtare e Kinematografisë

Qendra Kombëtare e Kinematografisë i shpreh ngushëllimet të afërmve dhe miqve!

Anastas Kristofori do të kujtohet për rolet e tij shumë të dashura për publikun si në teatër ashtu dhe në kinematografi.

Këtu mund të përmendim rolin e zotit Dëllfit në dramën “Arturo Ui” të Bertold Brehtit, roli i sekretarit të Prefektit në dramën “Prefekti” e Besim Levonjës, rolin e Apostolit në dramën “Komunistët” e Ruzhdi Pulahës, rolin e Perikliut në komedinë “Pallati 176” e Adelina Balashit e shumë të tjera.

Në kinematografi roli i tij i parë ishte në vitin 1976 roli i Stavrit , Ekonomatit të Strehës Vorfnore në filmin “Lulëkuqet mbi mure” më tej do të vazhdonin edhe role të tjera si: roli i Ndoc Markut në filmin “Besa e kuqe” në vitin 1982, rolin e z.Antonio, Kuestorit të Tiranës në filmin “Vendimi” në vitin 1984, rolin e z.Mavrojanis në filmin “Misioni përtej detit” në vitin 1988 etj.

Roli i tij më i fundit ishte roli i Perikliut në kinodramën “Po vjen Ai” në vitin 1998 një vazhdim televiziv i komedisë së njohur “Pallati 176” i Adelina Balashit.

Për meritat e tij artistike Anastas Kristofori është vlerësuar me titullin e lartë “Artist i Merituar”.

Qendra Kombëtare e Kinematografisë i shpreh ngushëllimet familjes dhe miqve.

Arben Shaka ishte një figurë shumë e dashur për publikun shqiptar nëpërmjet roleve në filma artistike por edhe roleve të paharrueshëm për publikun në skenën e teatrit të Estradës dhe Cirkut të Tiranës.

Qendra Kombëtare e Kinematografisë i shpreh ngushëllimet familjes dhe miqve.

Operator dhe Drejtor Fotografie në ish-Kinostudion “Shqipëria e Re”, Bardhyl Martiani ka punuar në shumë filma artistikë dhe dokumentarë:
• Bolero (1997)
• Dashuria e fundit (1995)
• Vdekja e kalit (1995)
• Një ditë nga një jetë (1994)
• Jeta në duart e tjetrit (1990)
• Kthimi i ushtrisë së vdekur (1989)
• Pesha e kohës (1988)
• Në emër të lirisë (1987)
• Një vit i gjatë (1987)
• Telefoni i një mëngjesi (1987)
• Dasma e shtyrë (1984)
• Duaje emrin tënd (1984)
• Kohë e largët (1983)
• Dora e ngrohtë (1983)
• Gracka (1983)
• Nusja (1980)
• Këshilltarët (1979)
• Mysafiri (1979)
• Nusja dhe shtetrrethimi (1978)
• Ata ishin katër (1977)
• Blerim i ri në fshat (1977)
• Brigadierja (1976)
• Ilegalët (1976)
• Thirrja (1976)
• Çifti i lumtur (1975)
• Gjithmon në reshta (1975)
• Roje vigjilente (1975)
• E vërteta mbi fenë (1974)
• Kujdes zjarri (1974)
• Misrat hibride (1974)
• Rozafat (1974)
• Deputeti (1973)
• Këndojnë fëmijët tanë (1973)
• Nëpër fushat e futbollit (1973)
• Nëpër unazën e metalurgjikut (1973)
• Bekim Fehmiu në Shqipëri (1972)
• Metalurgjia e zezë (1972)
• Motive dibrane (1972)
• Vëllezërit Topulli (1972)
• Kënga e re (1971)

Ambasada e Republikës së Shqipërisë në Bullgari, me synimin njohjen e ndërsjellë të kulturave të dy vëndeve tona, ka shprehur interesin për ti përcjellë producentëve shqiptarë mundësinë për të aplikuar në disa festivale ndërkombëtare në Bullgari.

Ne vijim gjeni informacionin e detajuar:

1. Master of Film Art 2022– është një event  kulturor unik dhe i vetmi në Evropën Lindore kushtuar dokumentarit të filmit dhe artit dhe përqendrohet në qasje të ndryshme artistike mbi artin në përgjithësi. Festivali ka hapur aplikimet për pjesëmarrje dhe aplikimi mund të bëhet deri më 20 shkurt 2022. Festivali është i hapur për krijuesit e dokumentarëve televizivë dhe të pavarur, video-art dhe reklama nga e gjithë bota. Vetëm filmat e prodhuar/publikuar pas 1 janarit të vitit 2019 mund të konkurojnë. Të gjithë filmat, që i nënshtrohen festivalit nuk duhet të prezantohen në kinema ose të transmetohen në televizionin bullgar dhe/ose të shpërndahen në DVD në territorin e Bullgarisë, por nuk ka kufizime për shfaqjen e tyre në vende të tjera.
Dokumentarët nuk duhet të jenë dorëzuar në asnjë edicion të mëparshëm të festivalit. Përparësi kanë titujt e premierës. Dokumentarët mund të jenë në gjuhë të ndryshme, por duhet patjetër të kenë titra në anglisht gjatë konkurimit.
Aplikimi për pjesëmarrje në festival mund të bëhet përmes platformës FilmFreeway. Më shumë informacion për festivalin, kushtet dhe mënyrën e regjistrimit, mund ta gjeni në faqen zyrtare të festivalit: https://masterofartfilmfestival.com/en/.
Subjektet e interesuara mund të kontaktojnë Drejtorin Artistik të festivalit Nayo Titzin në nayo_titzin@hotmail.com / +359 888 626 212, Menaxheren e festivalit Lilia Atanasaova në atanassova@yahoo.com / +359 899 907 715 si dhe drejtuesin e programacionit Hristo Hristozov në hrhristozov@gmail.com .

2. Sofia Documental – festivali synon të plotësojë hapësirën e zbrazët për një festival filmi për të drejtat e njeriut në Bullgari. Festivali është një platformë për debatin për të drejtat e njeriut dhe sundimin e ligjit, i rrethuar nga projekte gjatë gjithë vitit me një ndikim në rritje. Më shumë rreth festivali, gjeni në linkun: https://www.documental.bg/.
Subjektet e interesuara mund të kontaktojnë organizatorët e festivalit në: documental@documental.bg.

3. The Golden Linden International Film Festival – festivali do të mbahet më 28 maj – 1 qershor 2022 në Stara Zagora, Bullgari. Afati i fundit për pjesëmarrje në festival është data 18 shkurt 2022. Drejtorja e festivalit, Magdalena Ralcheva kërkon bashkëpunim nga Shqipëria me pjesëmarrjen e dy filmave, të cilët kanë fituar çmime kombëtare ose ndërkombëtare. Filmi duhet të jetë në formatin Blu-Ray ose HD me titra në anglisht dhe produksion i viteve 2020-2022, me përjashtim të kategorisë për produksione të vitit 2021. Më shumë rreth festivalit, gjeni në linkun https://thegoldenlinden.com/ . Subjektet e interesuara mund të kontaktojnë organizatorët e festivalit në: office@goldenlinden.com , th.golden.linden@gmail.com si dhe +359 882 502 277, +359 2 963 00 99.

Filluan xhirimet e filmit artistik «Sirin» nga Senad Sahmanovic, bashkëprodhim midis Malit të Zi, Shqipërisë financuar nga Qendra Kombëtare e Kinematografisë në kategorinë Bashkëprodhime ne Minorancë, Kroacisë, Kosovës, dhe Bosnje Hercegovinës.

Prodhuar:
On FILM – DriTan Huqi- Albania
CUT UP Production- Velisa Popovic Monte negro
Buka Production – Fatmir Spahiu Bufi Kosovo
Sekvenca – Jure Pavlovic Croatia
Dokument Sarajevo – Alem Babic Bosnia Herzegovina

Finacuar:
Eurimages
Qendra Kombëtare e Kinematografisë
Filmski centar Crne Gore
Hrvatski audiovizualni centar (HAVC)
Qendra Kinematografike e Kosoves
Filmski Centar Sarajevo/Film Center Sarajevo

Filmi «INTERNIM», financuar nga Qendra Kombëtare e Kinematografisë, regjia Kast Hasa do të shfaqet nga data 20 janar në KINEMA MILLENNIUM & CINEPLEXX.

Kryetari i Qendrës Kombëtare të Kinematografisë, Z. Eduart Makri, sot në një intervistë në televizionin A2CNN, për të folur mbi risitë që do të sjellë ligji i ri në ndihmë të kinematografisë shqiptare si edhe për projektet filmike.

Qendra Kinematografike e Kosovës ka financuar në kategorinë Bashkëprodhime në Minorancë dy projekte filmike shqiptare:

• Projektin filmik «Burri i shtëpisë» shtëpia filmike »Thumbs up«, producent Ismet Sijarina, regjisor dhe skenarist Andamion Murataj

• Projektin filmik «Luna Park», shtëpia filmike »Buka«, producent Fatmir Spahiu, regjisor dhe skenarist Florenc Papas

Me financimin e Qendrës Kombëtare të Kinematografisë, prodhuar nga shtëpia kinematografike «On FILM», në bashkëpunim me Universitetin e Arteve dhe Ministrinë e Kulturës, në kuadër të marrëveshjes «Pakti për Universitetin», sot në 22 Dhjetor ora 18.00 në sallën Black Box të Universitetit të Arteve Tiranë, do të shfaqen filmat e studentëve te diplomuar gjatë vitit akademik 2020 – 2021.