Category: Qendra Kombëtare e Kinematografisë

Takime të kineastëve shqiptarë dhe të huaj në pavionin e Qendrës Kombëtare të Kinematografisë në EFM European Film Market 2024.

Nën kujdesin e Ministrisë së Ekonomisë, Kulturës Inovacionit të Shqipërisë, Qendra Kombëtare e Kinematografisë (QKK) dhe Qendra Kinematografike e Kosovës, edhe këtë vit përfaqësohen me një pavion të përbashkët, në edicionin e 74 të European Film Market (EFM) i cili zhvillohet gjatë Festivalit Ndërkombëtar të Filmit në Berlin (Berlinale) në datat 15-21 Shkurt 2024.
European Film Market është ndër 3 marketet kryesore të takimit të industrisë ndërkombëtare të filmit dhe medias. Lidhja e ngushtë me Berlinalen si një festival filmi publik dhe pozicionimi i tij në zemër të Berlinit janë karakteristikat përcaktuese të këtij marketi, i cili e ka pozicionuar veten edhe si një platformë për inovacion e ndryshim.

Gjithçka fillon këtu!

IT ALL STARTS HERE!

Gjatë këtyre ditëve në pavionin tonë të përbashkët, Nr. 138, i cili gjendet në Hotel Marriott, Potsdamer Platz, krahas promovimit të kinematogtrafisë se dy vendeve tona, do zhvillohen edhe takime të ndryshme me fonde filmi, partneritete ndërkombëtare, organizues festivalesh, prodhues e distributorë nga e gjithë bota.

Me financimin e Qendrës Kombëtare të Kinematografisë, sot më datë 8 Janar 2024, filluan xhirimet e filmit artistik me metrazh të shkurtër «Polici i mirë, polici i keq», skenari & regjia Gledis Bica, prodhim i shtëpisë kinematografike «d’Art Production», producente Ajsela Vojka.

---

---

---

---

Në zbatim të nenit 7, të Ligjit 8096, datë 21.03.1996, “Për Kinematografinë”, si dhe kërkesave dhe procedurës së përcaktuar për konkurim sipas Vendimit të Këshillit të Ministrave nr. 173, datë 07.03.2003 “Për emërimin, lirimin ose shkarkimin nga detyra të drejtuesve të institucioneve, në varësi të Këshillit të Ministrave, Kryeministrit ose Ministrit”, Ministria e Kulturës shpall konkursin për pozicionin:

Kryetar i Qendrës Kombëtare të Kinematografisë – Kategoria e pagës II-2

Filmi me metrazh të gjatë «Nji prej nesh», me skenar e regji të Ergys Meta, dhe me producent shtëpinë kinematografike «ERA FILM» fitoi 3 çmime në festivalin «Hyjnesha në fron» në Kosovë:
1. Filmi më i mirë
2. Regjisori më i mirë, Ergys Meta
3. Aktori më i mire, Alban Ukaj

Filmi është financuar nga Qendra Kombëtare e Kinematografisë.

---

Më datë 15 Dhjetor 2023 u shfaq në sallën e kinemasë së AQSHF-së premiera e filmit të animuar «Milo», me regji nga Fatjon Alla, dhe me producent shtëpinë kinematografike «Cinemania».

Filmi është financuar nga Qendra Kombëtare e Kinematografisë.

---

Projekti filmik me metrazh të gjatë «PASOJAT E LIRISË», me regji të Lorin Terezit, prodhim i shtëpisë kinematografike TUNNELFILM, producent Florenc Papas, shpallet fitues në kategorinë Minority Co-Production të Film Centre of Montenegro.

Ky projekt filmik është financuar nga Qendra Kombëtare e Kinematografisë.

https://fccg.me/wp-content/uploads/2023/12/ODLUKA_manjinske-koprodukcije-2023.pdf

Improving the skills of talented European professionals is a core objective of the Creative Europe MEDIA programme of the European Union. The following training courses are
all funded by MEDIA, and they take place all over Europe and beyond.

All deadlines and additional information can be found here: creative-europe-media.eu

The MEDIA programme is the funding for the audiovisual sector in Europe under the umbrella of the Creative Europe Programme of the European Union. MEDIA has a budget of
1.4 billion Euros until the end of 2027, with a special focus on transnational cooperation in the European audiovisual sector.

MEDIA strengthens cooperations between the audiovisual industry on a global level and increases the outreach of European fi lms and projects, constantly aiming to reach
new audiences.

MEDIA supports producers, game developers, distributors, sales agents, festivals, markets, trainings, VOD services,cinemas and more.

Filmi me metrazh të shkurtër «Sheets», me regji të Evi Gjonit, prodhim i shtëpisë kinematografike SKA-NDAL, shpallet si filmi më i mirë i shkurtër në Athens Short Film Festival 2023, dhe si filmi më i mirë i shkurtër i Europës lindore në Link International Film Festival 2023.

Ky film është financuar nga Qendra Kombëtare e Kinematografisë.

https://www.athensshortfilmfest.com/2023programme

---

Ministria e Kulturës e Shqipërisë nëpërmjet një granti të bashkëfinancuar nga Agjencia Ekzekutive Evropiane e Arsimit dhe Kulturës organizon dhe ju fton në

Sesionin Trajnues me temë:

«Shkrimi i Projekt Propozimeve – Ngritje kapacitetesh dhe udhëzime praktike»

Në kuadër të projektit «Ce DESK Shqipëri»

14 Dhjetor 2023, ora 10.00 – 13.30

Salla «Tefta Tashko Koço», Ministria e Kulturës e Shqipërisë

Ky trajnim synon të rrisë kapacitetet dhe nivelin e njohurive të artistëve, profesionistëve të fushës së medias, në nivel lokal dhe kombëtar, për shkrimin e Projekt Propozimeve, në kuadër të thirrjeve të reja të Programit Evropa Krijuese (Creative Europe) 2021-2027. Ky trajnim do të jetë një mundësi e mirë për të rritur dhe zhvilluar aftësitë teknike dhe intelektuale të grupeve potenciale të interesit, për të krijuar mundësi të reja për projekte dhe bashkëpunime në nivel kombëtar, rajonal dhe evropian.

Ky sesion do të jetë i dedikuar për profesionistët e sektorit të medias, filmit dhe audiovizualë.

Për arsye logjistike të organizimit lutemi plotësoni formularin e regjistrimit https://forms.gle/8UXd5j2LrYB1CVXH7

Lutemi, konfirmoni pjesëmarrjen tuaj deri në datë 12 Dhjetor 2023, ora 14:00.

---