Category: Njoftime

Në kuadër të «Memorandumit të bashkëpunimit» që Qendra Kombëtare e Kinematografisë nënshkroi me Qendrën Malazeze të Filmit, në datat 27-28-29-30 mars 2023 organizohen në Shqipëri «Ditët e Filmit Malazez».

Ky aktivitet do të përfshijë prezantimin për publikun shqiptar të prodhimeve të suksesshme kinematografike, të viteve 2020-2022 nga autorë malazezë. Një nga objektivat e këtij aktiviteti është edhe nxitja e dialogut ndërmjet profesionistëve të dy shteteve por edhe përballja e publikut me kulturën e prezantuar në filmat e autorëve fqinj.

Filmat do të shfaqen në qytetet: Tiranë, Gjirokastër, Vlorë dhe Shkodër.

Aktiviteti do të fillojë në 27 mars, ora 11:30, në Hotel Tirana International, me konferencën me titull: «Film as a tool for intercultural dialogue».

Marrin pjesë:
• Përfaqësues nga Qendra Malazeze e Filmit
• Përfaqësues nga Qendra Kombëtare e Kinematografisë
• Përfaqësues nga Ambasada e Malit të Zi në Tiranë
• Përfaqësues të institucioneve të sektorit krijues shqiptar
• Producentë dhe regjisorë nga Mali Zi
• Producentë dhe regjisorë shqiptarë

Në hapjen e konferencës do jenë të ftuar edhe përfaqësues të medias.

Në Gjirokastër dhe Vlorë, filmat do të shfaqen në kinematë e rihapura me teknikë digjitale, mundësuar me fonde europiane IPA II, të siguara nga QKK nëpërmjet grantit Interreg-IPA CBC, në partneritet me Italinë dhe Malin e Zi.

Filmat që do të shfaqen janë:
– AFTER THE WINTER, regjia Ivan Bakrač, (101 min) Trailer
– THE BLACK PIN, regjia Ivan Marinović, (93 min) Trailer
– THE EAGLE’S NEST, regjia Milija Šćepanović, (18 min) Trailer
– RAINBOW, regjia Aleksandar Vujović, (17 min) Trailer
– MAR, regjia Milorad Milatović, (21 min)
– MY NAME IS ANA, regjia Bojan Stijović, (21 min)

Për më shumë informacion mbi filmat dhe për të shikuar trailerat, ndiqni linqet në titull.

---

---

---

---

---

---

Në datat 6-8 mars, zhvillohet në Bruksel takimi i rradhës i Grupit Ndërinstitucional të Punës për Integrimin Evropian – Kapitulli 8 “Politika e Konkurrencës”.

Bashkë me përfqësuesit e tjerë të institucioneve shqiptare qe raportojnë në fushat përkatëse, në këtë mbledhje merr pjesë edhe kryetari i Qendrës Kinematgrafike të Shqipërisë z. Eduart Makri, për të dhënë informacion mbi fondet shtetërore në dispozicion të industrisë filmike në Shqipëri.

Me financimin e Qendrës Kombëtare të Kinematografisë, në qytetin e Pogradecit, nisën xhirimet e filmi artistik «Waterdrop»/«Pikë Uji», me skenar të Doruntina Basha, Robert Budina dhe Ajola Daja, si dhe me regji të Robert Budina.

Ky film një bashkëprodhim ndërmjet shtëpisë kinematografike shqiptare «ERAFILM», kompanisë filmike rumune «AVANPOST», kompanisë filmike italiane «REDIBIS FILM» dhe kompanisë filmike kosovare «ILIRIA FILM».

Filmi artistik «Waterdrop»/«Pikë Uji» është mbeshtetur nga:
• Creative Europe
• Qendra Kombëtare e Kinematografisë
• MIBAC
• Qendra Kinematografike e Kosovës
• SEE

Si pjesë e aktiviteteve te projektit CIRCE PLUS që po zhvillohen në Kotor Creative Hub këto ditë, Qendra Malazeze e Filmit dhe Qendra Kombëtare e Kinematografisë së Shqipërisë kanë nënshkruar dje një Memorandum Bashkëpunimi.

Memorandumi u nënshkrua nga drejtuesit e dy qendrave Znj. Aleksandra Bozovic dhe Z. Eduart Makri.

Objekti i Memorandumit është bashkëpunimi i Qendrës Malazeze të Filmit dhe Qendrës Kombëtare të Kinematografisë me qëllim forcimin e aktiviteteve dhe kulturës audiovizuale për zhvillimin e audiencave të filmit në Shqipëri dhe Mal të Zi si vende fqinje, si dhe inkurajimi i bashkëprodhimeve kinematografike mes dy vendeve.

Bashkëpunimi i dy institucioneve do të realizohet nëpërmjet një programi me segmente të ndryshme, si psh: shfaqje të filmave Malazez në Shqipëri dhe atyre shqiptare në Mal të Zi, implementim i programeve trajnuese dhe edukuese, workshop-e dhe masterklasa, si dhe krijimin e më shumë mundësive të përbashkëta për autorët e të dy vendeve që dëshirojnë bashkëpunimin.

Qendra Kombëtare e Kinematografisë ndan dhimbjen me familjen, miqtë, dhe kolegët e aktores shumë të dashur të skenës dhe ekranit shqiptar, të nderuarës znj. Mimika Luca.

Kontributi i saj në kinematografinë shqiptare mbetet i pazëvendësueshëm.

Kanë filluar xhirimet e filmit artistik me metrazh të gjatë «Burri i shtëpisë», skenari dhe regjia Andamion Murataj, prodhim i shtëpisë kinematografike «Lissus Media» sh.p.k., i cili është mbështetur nga Qendra Kombëtare e Kinematografisë.

Ky projekt po realizohet me mbështetjen e 7 enteve publike evropiane dhe është bashkëprodhim ndërmjet Shqipërisë, Italisë, Austrisë, Kroacisë, Kosovës, Greqisë, Maqedonisë së Veriut. Projekti gjithashtu ka fituar mbështetjen financiare të EURIMAGES.

Filmi i regjisorit Genc Përmeti «Leaving Eden» financohet edhe nga Polish Film Institute.

Ky projekt është financuar fillimisht nga Qendra Kombëtare e Kinematografisë, Qendra Kinematografike e Kosovës & MiBAC.

Në përfundim të procedurave për hyrjen në fuqi të marrëveshjeve ndërkombëtare, Ministria për Evropën dhe Punët e Jashtme njofton se, «Konventa e Këshillit të Evropës për për Bashkëprodhimin Kinematografik (e rishikuar), Roterdam, 30.01.2017», ratifikuar me ligjin nr. 109/2021, do të hyjë në fuqi më 1 maj 2023.

PRODUCERS ON THE MOVE 2023

Të nderuar producentë!

European Film Promotion hap thirrjet për programin «PRODUCERS ON THE MOVE 2023», që zhvillohet në datat 2-3-4 maj 2023 online dhe në datat 18-22 maj gjatë festivalit të Cannes.

Producentët e interesuar janë të lutur të paraqesin vetëm një kërkesë pranë QKK-së, në adresën e e-mailit: Majlinda.Tafa@qkk.al ose info@qkk.al brenda datës 24 shkurt 2023.

Për informacione mbi programin, ju lutem referojuni kësaj adrese: https://www.efp-online.com/en/project_networking/producers_on_the_move.php

Sqarime mbi aplikimin:
• Shqipëria ka të drejtë të dërgojë pranë EFP 1 kandidaturë të vetme për përzgjedhje.
• Producenti duhet të flasë anglisht rrjedhshëm.
• Producenti duhet të jetë i disponueshëm në datat e programit si më sipër.
• Afati i dorëzimit të dosjes së aplikantit është 8 mars 2023.

Në rast përzgjedhje nga EFP:
• Shpenzimet e programit dhe akreditimi në Cannes mbulohen nga QKK
• Shpenzimet e udhëtimit dhe akomodimit mbulohen nga producenti

Ju lutem lexoni me kujdes detajet e mëposhtme të aplikimit. Vetëm kandidatët që plotësojnë këto kritere (të sqaruara në kërkesën ndaj QKK) do të merren në konsideratë.

The producer needs to submit the following documents:
– Letter of motivation
– Description of the project or a slate of projects* to be pitched, including synopsis and director’s note (if director is attached)
* “slate of projects” could include, for example, a current production in post, projects in development etc.
– Financing plan for the submitted project or for one of the projects presented in the slate

Please note, all films eligible for this submission shall have a minimum length of
• at least 70 minutes for feature length films
• at least 60 minutes for documentary films
• at least 6 episodes of 40 minutes minimum each for high quality international drama series
• at least 15 minutes for VR experiences

The producer must be fluent in English.

Nominated producers need to be available to join the digital programme from Tuesday 2 to Thursday 4 May and in Cannes physically Thursday 18 till Monday 22 May 2023.