Nga data 17 -21 Shtator 2024, shtepia kinematografike «D’Art» organizon ne qytetin e Korçes, festivalin «Korça Film Festival 2024».
Ky festival mundësohet me financimin e Qendrës Kombëtare të Kinematografisë.
[ENGLISH] On September 17th, 2024, at 10:00 a.m., the Selection Committee of the film that will represent Albania in the «Academy of Motion Picture, Arts and Sciences» 2025 held its meeting in the premises of the National Center of Cinematography.
The film production house ERA FILM with the feature film «Waterdrop», directed by Robert BUDINA.was the only application after the ANCC open call.
The Committee voted unanimously in favor of the candidacy presented by the film production house ERA FILM for the film «Waterdrop» as the representative of Albania, in the category of «International Feature Film at the 97th edition of the OSCAR® Awards».
ANCC wishes all their best to director Robert Budina and producer Sabina Kodra.
[SHQIP] Më datë 17.09.2024, ora 10:00, në ambjentet e Qendrës Kombëtare të Kinematografisë, u mblodh Komisioni Përzgjedhës i filmit që do të përfaqësojë Shqipërinë në «Academy of Motion Pictures, Arts and Sciences» 2025.
Pas thirrjes së hapur nga QKK, aplikoi vetëm shtëpia kinematografike ERA FILM me filmin artistik me metrazh të gjatë «Pikë Uji», regjia Robert BUDINA.
Komisioni votoi unanimisht pro kandidaturën e paraqitur nga shtëpia kinematografike ERA FILM për filmin «Pikë Uji» si përfaqësues i Shqipërisë, në kategorinë «International Feature Film në edicionin e 97-të të Çmimeve OSCAR®».
QKK i uron suksese regjisorit Robert Budina dhe producentes Sabina Kodra.
EFAD (European Film Agencies Directors) mirëpresin Qendrën Kombëtare të Kinematografisë së Shqipërisë (QKK) si anëtaren e tyre të 38-të!
Jemi të lumtur të ndajmë lajmin se Qendra Kombëtare e Kinematografisë së Shqipërisë i është bashkuar zyrtarisht familjes së DAEF (Drejtuesit e Agjencive Evropiane të Filmit ) si anëtarja më e re e saj!
Në takimin e fundit të kryesisë që u mbajt në Festivalin e Filmit të Venecias, vendimi për pranimin e QKK-së ishte unanim, duke e fuqizuar edhe më tej rrjetin e agjencive evropiane.
Eol Çashku, Kryetar i QKK-së, theksoi: “Unë besoj se, ribashkimi i kontinentit tonë kalon para së gjithash nga kultura dhe dija. Për këtë arsye EFAD (DAEF) përbën një instrument të shkëlqyer për të ndarë njohuritë dhe praktikat më të mira me qëllim nxitjen e mbështetjes dhe përkrahjes për krijimtarinë kinematografike evropiane.
“Kemi kënaqësinë të mirëpresim Shqipërinë në familjen tonë evropiane. Presim me padurim një bashkëpunim të frytshëm”, deklaroi Chris Marcich, President i EFAD-it.
QKK, e themeluar më 1997, është i vetmi institucion publik kushtuar financimit, nxitjes, dhe përkrahjes së produksionit të kinematografisë dhe audiovizualit në Shqipëri.
Deklarata për shtyp e EFAD: https://rb.gy/4uzghs
Afati i aplikimeve pranë QKK brenda datës 12 shtator 2024.
Qendra Kombëtare e Kinematografisë, fton shtëpitë filmike shqiptare të paraqesin veprat e tyre për marrje në konsideratë, si kandidatura shqiptare, në kategorinë International Feature Film, për edicionin e 97-të, të Çmimeve OSCAR®.
Kriteret kryesore për pjesëmarrje në këtë kategori:
Në këtë kategori, mund të marrin pjesë filma artistikë me metrazh të gjatë, dokumentarë dhe vizatimorë.
1. Filmi duhet të jenë i gjatë mbi 40 minuta.
2. Filmi duhet do të ketë bërë premierën në Shqipëri jo më herët se 1 nëntor 2023 dhe jo më vonë se 30 shtator 2024.
3. Filmi duhet të jetë shfaqur ose të shfaqet komercialisht në kinema, në Shqipëri, brenda datave të mësipërme, për të paktën 7 ditë rresht.
4. Filmi duhet të përmbajë të paktën 50% dialog në gjuhën shqipe.
5. Filmi duhet të jetë bërë me të paktën 50%, aktorë dhe staf shqiptar.
6. Filmi duhet të jetë me subtitra të sakta dhe të lexueshme në gjuhën angleze.
Afati për materialet që dergohen nga producenti i filmit të përzgjedhur në zyrat e A.M.P.A.S.® është ora 17:00, e hënë, 2 tetor, 2024
Lista e materialeve që dërgohen nga producenti i filmit që do përzgjidhet është:
• Formulari i aplikimit, i plotësuar online
• Kopje DCP të filmit ose Link me versionin digjital për shfaqje.
(linku për specifikimet teknike: https://submissions.oscars.org/technicalspecifications.aspx#ctl00_MainContent_InfoCardSections_ctl09_InfoSection)
[Për përdorim të brendshëm] Link me password i filmit, për të kontrolluar dialogjet.
• Listë e plotë e aktorëve dhe listë e plotë e krediteve.
• Biografi dhe fotografi e regjisorit.
• Një kuadër nga filmi, i përcaktuar si imazh për përfaqësimin e filmit online.
• Një poster i përdorur për shfaqjen e filmit në kinema, (për arkivë)
• Provë mbi shfaqjen e filmit në kinema (siç specifikohet në rregullat e mësipërme), duke përfshirë edhe shfaqje me qëllim reklamues, (por jo vetëm).
Lista e detajuar e materialeve të kërkuara, në linkun e mëposhtëm: https://www.oscars.org/sites/oscars/files/2024-06/97_international_feature_checklist.pdf
Produksionet e interesuara shqiptare, duhet të dërgojnë brenda datës 12 shtator 2024, në adresën e E-Mail-it: info@qkk.gov.al, informacionin e mëposhtëm:
1. Kërkesë për t’u marrë në konsideratë si kandidatura shqiptare në kategorinë International Feature Film në edicionin e 97-të të Çmimeve OSCAR®.
2. Deklaratë ku të specifikohet përmbushja e kritereve për konkurim (shih 5 pikat më lart);
3. Listë të plotë të aktorëve dhe stafit.
4. Link me password i filmit, (kopje me rezolucion të lartë).
Ju lutemi të lexoni me kujdes rregullat e detajuara për kategorinë, në linkun e mëposhtëm:
https://www.oscars.org/sites/oscars/files/2024-04/97_international_feature_rules.pdf
Specifikimet teknike të filmave, rregulloret e përgjithshme dhe të kategorive në veçanti të përcaktuar nga ACADEMY OF MOTION PICTURE ARTS AND SCIENCES për edicionin e 97-të, i gjeni në linqet e mëposhtme:
https://www.oscars.org/sites/oscars/files/2024-04/97th_oscars_complete_rules.pdf
https://www.oscars.org/sites/oscars/files/2024-04/97_international_feature_rules.pdf
https://submissions.oscars.org/technicalspecifications.aspx#ctl00_MainContent_InfoCardSections_ctl09_InfoSection
Procesi i Komisionit Përzgjedhës të Kandidaturës Shqiptare për Edicionin e 97-të ©Oscar
«Komisioni i përzgjedhjes së filmit shqiptar për kategorinë e filmit më të mirë në gjuhë të huaj» në garën vjetore të «Academy of Motion Picture, Arts and Sciences», konstituohet vit pas viti nga QKK me qëllim identifikimin e filmit që do të përfaqësojë Shqipërinë në garën vjetore për «OSCARS®».
Antarët e këtij komisioni përzgjidhen nga shoqatat e kineastëve.
Të gjithë anëtarët e këtij komisioni duhet të jenë shtetas shqiptarë.
Ky Komision duhet të përzgjedhë një film i cili përmbush kriteret e «AMPAS» për kategorinë e filmit në gjuhë të huaj, çfarë do të thotë që, filmi kandidat duhet të ketë qenë në maxhoritet në produksion dhe elementët kryesorë artistikë të filmit, të jenë realizuar nga shtetas shqiptarë apo nga persona me rezidencë të përherëshme në Shqipëri.
Filmi i përzgjedhur duhet të jetë përfaqësues i vlerave më të mira të kinematografisë shqiptare.
Çdo shtet mund të kandidojë vetëm me një film në këtë kategori.
Procedura e ndjekur për ngritjen e Komisionit Përzgjedhës për kandidaturën e filmit shqiptar në edicionin e 97-të të Çmimeve Oscars® të Akademisë për Filmin Artistik Ndërkombëtar u krye si më poshtë:
1. QKK njoftoi me shkresë zyrtare më datë 18 korrik 2024, me №245 prot., të gjitha shoqatat e kineastëve shqiptarë të regjistruara në QKK. (https://qkk.al/index.php/shoqatat-e-kineasteve/)
2. Në bazë të kërkesës së QKK-së, (shkresa bashkangjitur), secila shoqatë paraqiti kandidaturën e saj për anëtar të komisionit përzgjedhës për kandidaturën e filmit shqiptar.
3. Përfaqësuesi i QKK-së është gjithmonë kryetar i Komisionit Përzgjedhës për kandidaturën e filmit shqiptar që do të paraqitet në garën e Çmimeve Oscars® në kategorinë e Filmit Artistik Ndërkombëtar.
Komisioni Përzgjedhës i Kandidaturës Shqiptare për Edicionin e 97-të ©Oscar, i ngritur nga QKK, ka detyrë:
• Të shikojë filmat aplikues, pasi ata janë kontrolluar nga QKK për përmbushjen e kritereve.
• Secili anëtar i Komisionit voton vetëm për filmin që mendon të jetë kandidatura e Shqipërisë.
• Secili anëtar i Komisionit voton në fletën personale të votimit, në mënyrë të fshehtë. (Fleta e Votimit përgatitet me udhëzimet përkatëse dhe listë të filmave aplikues, nga QKK)
• Votat mblidhen dhe filmi me shumicë të votave, përzgjidhet si kandidatura shqiptare.
Kontakt i Komisionit: info@qkk.al
Filmi dokumentar me titull «Another Day», regjia Eneos Çarka, është shpallur fitues i çmimit «BALKAN DOX AWARD» në International Documentary and Short Film Festival, DokuFest, 23rd Edition, 02-10 August 2024, Prizren, Kosovë.
Ky film dokumetar është mbështetur financiarisht nga Qendra Kombëtare e Kinematografisë.
Filluan xhirimet e filmit artistik me metrazh të gjatë me titull «Hatixhja dhe Shabani», regjia Visar Morina, produksion i «Vicky Bane UG & Schuldenberg Films» GBR, Gjermani, në koproduksion me «On Film Production», Shqipëri, «Eagle Eye Films», Kosovë, «Vertigo», Slloveni, dhe «List Producija», Maqedoni e Veriut.
Ky film është mbështetur financiarisht nga Qendra Kombëtare e Kinematografisë, në kategorinë koproduksion në pakicë (minority coproduction), dhe EURIMAGES.
Shtëpia kinematografike “Production Cinemania”, në datë 17 -19 Qershor 2024 ka filluar Edicionin e 8-të të aktivitetit “Kinema e hapur” me shfaqje të filmave artistikë shqiptarë në Golem, duke vazhduar me qytetet Kukës në datë 17-19 Korrik, Kuçovë në datë 25-27 Korrik, Maliq në datë 29-31 Korrik dhe Devoll 1-3 Gusht.
Ky aktivitet publik veror mundësohet me financimin e Qendrës Kombëtare të Kinematografisë.
Të nderuar producentë!
Ju informojmë se është hapur thirrja për aplikim në SEE Cinema Network – sezoni 2024, për:
• Fondin për zhvillim projektesh kinematografike të metrazhit të gjatë që janë bashkëprodhim me shtetet e tjera anëtare të SEE CN.
Jeni të lutur të paraqisni projektet tuaja pranë QKK-së.
Projektet filmike duhet të paraqiten në gjuhën angleze sipas rregullores së SEE CN.
Rregulloren e plotë të SEE Cinema Network, dokumentat dhe formularin e aplikimit për shkarkim, i gjeni duke klikuar në linkun e mëposhtëm:
www.seecinemanetwork.eu
Procedura e aplikimit:
Dosja dërgohet me aplikim të drejtpërdrejtë online në linkun www.seecinemanetwork.eu dhe me email në adresën info@qkk.al prej datës 15 korrik 2024 deri më datë 15 shtator 2024.
Pas shpalljes së projekteve fituese, SEE CN fillon procedurat për lidhjen e kontratës me producentin e deleguar të projektit.
Për çdo informacion apo paqartësi mund të kontaktoni me administratën e QKK-së.
