Category: Njoftime

Të nderuar,

Ju bëjmë me dije se, Qendra Kombëtare e Kinematografisë rifilloi plotësisht aktivitetin në ambientet e saj.

Duke mbajtur në konsideratë se, në vendin tonë vijojnë rastet e infektimit me CoVid-19,

Duke qënë të detyruar të respektojmë me rigorozitet të gjitha rregullat dhe udhëzimet e Organizatës Botërore të Shëndetësisë, si dhe të Ministrisë së Shëndetësisë, për CoVid-19,

Me qëllim mbrojtjen dhe sigurinë e shëndetit të stafit të QKK, si dhe Tuajën,

KËRKOJMË nga ana e Juaj që :

• Të shmangni prezencën Tuaj fizike pranë ambienteve të QKK.
• Për çdo arsye, të komunikoni me stafin e QKK vetëm nëpërmjet mjeteve elektronike, (e-mail-et zyrtare, telefon, sistem aplikimi online, etj) ose postare (Posta Shqiptare).
• Vetëm për raste të një rëndësie të veçantë, mund të kërkoni takim me stafin e QKK, nëpërmjet mjeteve të komunikimit elektronik. (e-mail-et zyrtare, telefon, etj)
• Vetëm pasi i’u është konfirmuar paraprakisht një takimi me stafin e QKK, nëpërmjet mjeteve të komunikimit elektronik, mund të paraqiteni në ambientet e QKK.
• Vetëm në rastet kur i’u është konfirmuar paraprakisht një takim, të paraqiteni në ambientet e QKK të pajisur detyrimisht me maskë dhe doreza.
• Brenda ambienteve të QKK duhet të qëndroni vetëm në sallën e madhe, duke respektuar rigorozisht distancimin fizik, si dhe të gjitha rregullat e udhëzimet e tjera për CoVid-19.

KUJDES !

Në qoftë se, do të paraqiteni fizikisht pranë ambienteve të QKK kur nuk i’u është konfirmuar paraprakisht një takim nga stafi, Ju nuk do të pranoheni të hyni brenda ambienteve të QKK.

Adresat e-mail zyrtar të stafit të QKK, si dhe numri i telefonit, gjenden në adresën : http://qkk.al/index.php/staff/

Ju falënderojmë për mirkuptimin dhe bashkëpunimin në këto kohë të veshtira.

Stafi i QKK do të jetë në dispozicionin Tuaj.

Të nderuar kineastë,

Me urimin që të jeni mirë me shëndet ju dhe familjet tuaja, ju vëmë në dijeni se Qendra Kombëtare e Kinematografisë do të rifillojë aktivitetin në zyrat e saj në datën 04.05.2020.

Në kuadër të masave të marra për pandeminë botërore, duke ndjekur udhëzimet e Ministrisë së Shëndtësisë, si të gjitha institucionet e tjera, QKK ka hartuar Rregulloren e punës në kushtet e krijuara. Me qëllim sigurinë e stafit dhe tuajin kërkojmë respektimin e sa më poshtë:

1-Duke filluar nga data 04.05.2020, të shfrytëzoni të gjitha mënyrat e komunikimit (email, telefon, whatsup, etj.) për kërkesa, sqarime, apo pyetje që mund të keni, duke shmangur ardhjen në QKK.

2-Të vini në zyrat e QKK vetëm në raste të domosdoshme, pasi të keni konfirmuar paraprakisht takimin me stafin e QKK.

3-Në rast se keni konfirmuar takim, të paraqiteni të pajisur me maskë dhe doreza. Të respektoni të gjitha rregullat e përcaktuara nga Ministria e Shëndetësisë.

Stafi i QKK do të jetë në dispozicionin Tuaj.

Ju falënderojmë për mirkuptimin.

First Cut Lab Balkans është një program i krijuar për 3 filma artistikë të gjatë ne fazën e editimit, nga Shqipëria, Kosova, Mali i Zi dhe Maqedonia e Veriut.

Ekipet e zgjedhura të producentëve / regjisorëve do të shfaqin montazhin e plotë (rough cut) në një seancë private dhe do të marrin përshtypjet e ekspertëve në lidhje me editimin e tyre nga tre profesionistë ndërkombëtarë të filmit (producentë krijues, programues festivalesh, agjentë shitje, etj), si dhe këshilla të bëra nga një konsulent editimi.

Qëllimi kryesor është të nxisë potencialin artistik të procesit te editimit, në të njëjtën kohë, të rrisë potencialin e shitjeve, festivaleve dhe qarkullimit të filmave të përfunduar. Workshopi do të zhvillohet në Prishtinë gjatë verës.

Datat e seminarit për tu konfirmuar.

http://firstcutlab.eu/project/first-cut-lab-balkans/

Të nderuar,

Në kuadër të masave të marra nga Ministria e Shëndetësisë, lidhur me parandalimin e shperndarjes së virusit COVID-19,
me qellim që të mos ndërpritet aktiviteti i Qendrës Kombëtare të Kinematografisë, ju lutemi që të evitoni ardhjet në ambientet e punës deri më datë 3 Prill 2020.

Për çdo nevojë për sqarim, apo kerkesa për dokumentacion, lutemi të kontaktoni në

 

Numrin e Telefonit	+355 04 2 378 004
E-Mail	info.qkk@gmail.com info@qkk.al

Faleminderit per mirekuptimin!

Filluan xhirimet, në fshatin Labovë të Kryqit, të filmi dokumentar «Fshati dhe Kryqi», me skenar nga Robert Wilton dhe Fabian Kati, regji nga Fabian Kati, prodhuar nga shtëpia kinematografike «Ska-ndal».

Ky film është financuar nga Qendra Kombëtare e Kinematografisë.

Ministrja e Kulturës Rinisë dhe Sportit, Vlora Dumoshi, ndodhet në vizitën zyrtare të saj të parë si ministre në Tiranë, ku u prit nga homologia e saj Ministrja e Kulturës, Elva Margariti dhe delgacioni shqiptar pjese e te cilit ishte edhe Kryetari i Qendres Kombetare te Kinematografise, Z. Eduart Makri.

Në takimin që u zhvillua u diskutua për harmonizimin e aktiviteteve të kalendarit të përbashkët kulturor dhe për shtrimin e rrugës së bashkëpunimit në fushën e kulturës.

Kalendari i përbashkët kulturor do të reflektojë aktivitete të rëndësisë kulturore për të dy vendet, si iniciativë që institucionet dhe ngjarjet kulturore të realizohen suksesshëm si në Kosovë, si në Shqipëri.

Ministrja Dumoshi theksoi që është kënaqësi të vizitojë Tiranën në cilësinë e Ministres dhe se shpreson që kultura të jetë fushë ku vendet tona do të bashkëpunojnë ngushtë.

Ministrja Margariti në pritjen e ngrohtë të organizuar për delegacionin nga Kosova, uroi Ministren Dumoshi dhe shprehu gatishmëri që dy ministritë të thurin plane të përbashkëta në rrafshin kulturor.

Dy fushat që Ministrja Margariti theksoi që duhen të jenë në fokus të përbashkët janë kinematografia dhe libri. Dy ministritë do të gjejnë rrugë dhe mjete për të permbushur propozimet nga dy vendet që në këto fusha të thellohet bashkëpunimi.

Kosova dhe Shqipëria kanë pasur një histori të bashkëpunimit të mirë në vitet e kaluara. Vlen të përmendet pjesëmarrja e përbashkët në Marketin e Filmit ne Berlin “Berlinale 2020” të cilin Ministrja Dumoshi e ka vizituar kete vit.

Qendra Kombëtare e Kinematografisë, në bashkëpunim me Ministrinë e Kultures dhe Universitetin e Arteve të Bukura firmosën « Marrëveshjen për Paktin për Universitetin ».

Kjo marreveshje hap rrugën për të mbështetur studentët e Regjise së Filmit dhe asaj Televizive në filmat a tyre të diplomës si dhe disa angazhime të tjera që mbështesin formimin e tyre profesional.

I urojmë suksese studentëve të « Regji filmi dhe Televizioni », diplomat e të cilëve do të financohen nga QKK, në bashkëpunimin për këtë nismë, duke u bërë pjesë e proceseve krijuese dhe duke marrë pjesë në mënyrë aktive në realizimin e projekteve artistike.

 

 

Në nder të regjisores së filmit dokumentar Adriana Elini (1937-1994), më 24 janar 2020, në orën 11:00, organizohet nga AQSHF shfaqja e tre prej filmave të saj.

Nga fundi i viteve 1960 deri në mbarimin e epokës së Kinostudios “Shqipëria e re”, Adriana bëri dhjetëra filma dokumentarë me metrazh të shkurtër, nëntëmbëdhjetë prej tyre të realizuara vetëm në vitet 1970!

Megjithë sasinë dhe cilësinë e veprës, emri i Adrianës nuk është aq i njohur sa bashkëkohësit e saj dhe filmat e saj rrallë shihen. Të premten, AQSHF do të bëjë çmos për të ndryshuar këtë nocion. Ju ftojmë të vini të shihni tre nga dokumentarët e Adriana Elinit, me ngjyra, në 35 mm, dhe në ekranin e madh në sallën mikpritëse të arkivit të filmit.

Dokumentari i pare që do të shfaqim, SHTËPITË MALORE TË PUSHIMIT (1976) është një vështrim i gjallë i pushimeve të kaluara mes bukurisë natyrore të fshatit. ÇDO VIJË, NJË VIZATIM (1984) ndjek fëmijët kureshtarë brenda një klase ndërsa FANFARA E TË VEGJËLVE dokumentari simpatik i vitit 1985, dëshmon punën e një grupi të ri muzikor me vegla tunxhi dhe mësuesin e tyre të durueshëm. Dokumentarët e Adriana Elinit kapin në celuloid një Shqipëri që prej kohësh nuk është më si në këto filma, përmes planeve të afërta të kamerës që fokusojnë punëtorë dhe fëmijë.

Drejtoresha e Arkivit Qendror Shtetëror të Filmit, Iris Elezi, do të bëjë një prezantim të shkurtër për kineasten Adriana Elini. Do të na bashkohen familjarë dhe miq të kineastes dhe të bashkëpunëtorit të saj krijues, skenaristit Ilia Dede i cili kohët e fundit ndërroi jetë, dhe që ka realizuar një dokumentar të tijin për Adriana Elinin.

Trailer: https://www.facebook.com/events/315069422779583/

---

English

This Friday, January 24th, 2020 at 11 am, the AQSHF will honor the Kinostudio documentary filmmaker Adriana Elini (1937-1994). From the late 1960s to the end of the New Albania Film Studio era, Adriana made dozens of short non-fiction films (nineteen finished docs in the 1970’s alone!).

Despite the sheer quantity and quality of her work, her name is not as well known as her contemporaries and her films seldom seen. The Friday, the AQSHF will do its best to change this notion. We invite you to come to see three of Adriana Elini’s documentaries in color, in 35mm, and on the big screen in our comfortable 80 seat theater at the film archive’s facility.

The first short, SHETEPITE MALORE TE PUSHIMIT (1976) is a vivid look at vacations amid the natural beauty of the countryside. CDO VIJE, NJE VIZATIM (1984) delightfully follows curious children inside a classroom while the charming FANFARA E TE VEGJELVE (1985) warmly chronicles a young brass music band and their patient teacher. Adriana Elini’s documentaries capture an Albania long gone and feature her wonderfully characteristic, tightly-composed close-up shots of workers and children.

The director of the Albanian National Film Archive, Iris Elezi, will make a short presentation about Adriana Elini. We will be joined by family and friends of the filmmaker and her creative collaborator, the screenwriter Ilia Dede who recently passed away and made his own documentary about Adriana Elini.